സിക്കിം: അതിര്‍ത്തിയില്‍ ഇന്ത്യാ-ചൈനാ സൈനികര്‍ തമ്മില്‍ ഏറ്റുമുട്ടിയതായി ദേശീയ വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു. കഴിഞ്ഞ 20ന് സിക്കിമിലെ നാകുലയിലാണ് ഇരു സൈന്യങ്ങളും ഏറ്റുമുട്ടിയത്. ഏറ്റുമുട്ടലില്‍ ഇരു ഭാഗത്തും നാശനഷ്ടങ്ങള്‍ സംഭവിച്ചതായി റിപ്പോര്‍ട്ട് വ്യക്തമാക്കുന്നു. സംഭവത്തില്‍ 20 ചൈനീസ് സൈനികര്‍ക്കും നാല് ഇന്ത്യന്‍ സൈനികര്‍ക്കും പരുക്കേറ്റതായി സൈനിക വൃത്തങ്ങള്‍ വ്യക്തമാക്കി. ചൈനയുടെ പട്രോള്‍ സംഘം ഇന്ത്യ അതിര്‍ത്തിയില്‍ അതിക്രമിച്ചു കടക്കാന്‍ ശ്രമിച്ചതാണ് ഏറ്റുമുട്ടലില്‍ കലാശിച്ചത് എന്നാണ് വിവരം. ഉന്തും തള്ളിലുമാണ് ഇരു വിഭാഗത്തിലെ സൈനികര്‍ക്ക് പരുക്കേറ്റത്. ചൈനീസ് കടന്നുകയറ്റം തടയാന്‍ ഇന്ത്യന്‍ സൈന്യത്തിന് സാധിച്ചതായും കൂടുതല്‍ സൈനിക സുരക്ഷ വര്‍ധിപ്പിച്ചതായും സൈനിക വൃത്തങ്ങള്‍ വ്യക്തമാക്കി.