കൊല്ലം: പേരൂര്‍ കല്‍ക്കുളത്തുകാവില്‍ പത്താം ക്ലാസുകാരനെ ഒരു കൂട്ടം കുട്ടികള്‍ മര്‍ദിച്ച സംഭവത്തില്‍ സഹപാടി ഉള്‍പ്പെടെ അഞ്ചു പേര്‍ പിടിയില്‍.

വിദ്യാര്‍ഥിയെ മര്‍ദിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചതിനെ തുടര്‍ന്ന് പൊലിസ് നടത്തിയ അന്വേഷണത്തില്‍ ഏഴുപേര്‍ക്കെതിരേ കേസെടുത്തിരുന്നു. തുടര്‍ന്ന് ആക്രമണത്തിനിരയായ കുട്ടിയുടെ സഹാപാഠിയുള്‍പ്പെടെ അഞ്ച് പേരെ കുണ്ടറ പൊലിസ് കസ്റ്റഡിയിലെടുക്കുകയായിരുന്നു.

രണ്ടുപേരെ പൊലിസ് തിരയുന്നു. കളിയാക്കിയതു ചോദ്യം ചെയ്തതിനാണ് പ്രായപൂര്‍ത്തിയാകാത്തവര്‍ കൂട്ടുകാരെ സംഘം മര്‍ദ്ദിച്ചത്. കഴിഞ്ഞ ഞായറാഴ്ച്ചയാണ് വിദ്യാര്‍ഥിയെ സഹപാഠികള്‍ ക്രൂരമായി മര്‍ദിച്ചത്.