ന്യൂഡല്‍ഹി: കഴിഞ്ഞ വര്‍ഷങ്ങളെ ബജറ്റുകളിലും തെരഞ്ഞെടുപ്പ് പ്രചാരണങ്ങളിലും ബി.ജെ.പിയും പ്രധാനമന്ത്രി നരേന്ദ്ര മോദിയും ആവര്‍ത്തിച്ച കര്‍ഷകരുടെ വരുമാനം ഇരട്ടിപ്പിക്കല്‍ വാഗ്ദാനത്തെപ്പറ്റി വീണ്ടും പരാമര്‍ശവുമായി ധനമന്ത്രി നിര്‍മല സീതാരാമന്‍. ഇതു പറയുമ്പോള്‍ പ്രതിപക്ഷ നിരയില്‍ നിന്ന് അംഗങ്ങള്‍ കൂക്കിവിളിച്ചു.

വിവാദ കാര്‍ഷിക നിയമങ്ങള്‍ക്കെതിരെ ശക്തമായ കര്‍ഷക സമരം തുടരുന്നതിനിടെയാണ് കേന്ദ്ര ബജറ്റ് അവതരണം. കര്‍ഷകരെ തണുപ്പിക്കാന്‍ പുതിയ പ്രഖ്യാപനമുണ്ടാവുമോയെന്നാണ് രാജ്യം നോക്കുന്നത്.