മലപ്പുറം: പ്രമുഖ സൂഫീവര്യനായിരുന്ന തൃപ്പനച്ചി ഉസ്താദിന്റെ അഞ്ചാമത് ഉറൂസ് ഒക്‌ടോബര്‍ 31 മുതല്‍ നവംബര്‍ അഞ്ച് വരെ നടക്കും.
സ്വാഗതസംഘം രൂപീകരണ  യോഗത്തില്‍ കെ.കെ.എസ് ബാപ്പുതങ്ങള്‍ അധ്യക്ഷനായി. സമസ്ത കേരളാ ജംഇയ്യത്തുല്‍ ഉലമാ ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. ഒ.പി.കുഞ്ഞാപ്പു ഹാജി, അബ്ദുസ്സലാം ബാഖവി ഒഴുകൂര്‍, ഒളവണ്ണ അബൂബക്കര്‍ ദാരിമി, ആര്‍.വി കുട്ടി ഹസന്‍ ദാരിമി, സൈനുദ്ദീന്‍ മുസ്‌ലിയാര്‍, അബ്ദുല്ല ദാരിമി, പി.എ ജബ്ബാര്‍ ഹാജി എന്നിവര്‍ പ്രസംഗിച്ചു.
പാണക്കാട് സയ്യിദ് ഹൈദരലി ശിഹാബ് തങ്ങള്‍ മുഖ്യരക്ഷാധികാരിയും സയ്യിദ് കെ.കെ എസ് ബാപ്പു തങ്ങളേയും ചെയര്‍മാനും ഒ.പി കുഞ്ഞാപ്പു ഹാജിജനറല്‍ കണ്‍വീനറും ടി.കെ കുഞ്ഞാപ്പു കാഞ്ഞിരം ട്രഷററുമായി 313 അംഗ സ്വാഗതസംഘത്തിനു രൂപം നല്‍കി.