മമ്പുറം ആണ്ടു നേര്ച്ച ഒക്ടോബര് ഒന്ന് മുതല്
തിരൂരങ്ങാടി: ദക്ഷിണേന്ത്യയിലെ പ്രമുഖ തീര്ഥാടനകേന്ദ്രമായ മമ്പുറംമഖാമില് അന്ത്യവിശ്രമം കൊള്ളുന്ന ഖുഥ്ബുസ്സമാന് സയ്യിദ് അലവി മൗലദ്ദവീല തങ്ങളുടെ 178 ാമത് ആണ്ടുനേര്ച്ച ഒക്ടോബര് ഒന്നുമുതല് എട്ട് വരെ(മുഹര്റം 17) വിപുലമായ രീതിയില് നടത്താന് ദാറുല്ഹുദായില് ചേര്ന്ന മാനേജിങ് കമ്മിറ്റി യോഗം തീരുമാനിച്ചു.
മഖാം ദാറുല്ഹുദാ ഏറ്റെടുത്തതിനു ശേഷമുള്ള പതിനെട്ടാമത്തെ ആണ്ടുനേര്ച്ചയാണ് ഈ വര്ഷം നടക്കുന്നത്. യോഗം മാനേജിങ് കമ്മിറ്റി പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള് ഉദ്ഘാടനം ചെയ്തു. കോഴിക്കോട് ഖാസി സയ്യിദ് മുഹമ്മദ് കോയ തങ്ങള് ജമലുല്ലൈലി, ഡോ. ബഹാഉദ്ദീന് നദ്വി, ചെമ്മുക്കന് കുഞ്ഞാപ്പുഹാജി, കെ.എം സൈദലവി ഹാജി കോട്ടക്കല്, യു.ശാഫി ഹാജി ചെമ്മാട്, ഡോ. യു.വി.കെ മുഹമ്മദ്, ശംസുദ്ദീന് ഹാജി വെളിമുക്ക്, തോപ്പില് കുഞ്ഞാപ്പു ഹാജി കോട്ടക്കല്, സൈതലവി മുസ്ലിയാര് കാളാവ്, എം. അബൂബക്കര് മുസ്ലിയാര് ചേളാരി, ഹംസ ഹാജി മൂന്നിയൂര്, സി.കെ മുഹമ്മദ്ഹാജി പുകയൂര്, പി.കെ.അബ്ദുറശീദ് ഹാജി ചെമ്മാട്, ഓമച്ചപ്പുഴ അബ്ദുല്ല ഹാജി, ബാവ പാലത്തിങ്ങല്, കെ.പി.ചെറീത് ഹാജി കുറ്റാളൂര്, എം.പി സിദ്ദീഖ് ഹാജി, കബീര് ഓമച്ചപ്പുഴ, വി.പി മാമുട്ടി ഹാജി മൂന്നിയൂര് എന്നിവര് സംബന്ധിച്ചു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."