ആലപ്പുഴ: ആലപ്പുഴ പൊന്നാംവെളിയില്‍ ദേശീയപാതയില്‍ ലോറിയിടിച്ച് രണ്ടുപേര്‍ മരിച്ചു. പിക്കപ്പ് വാനിന്റെ ടയര്‍ മാറ്റുന്നതിനിടെയാണ് അപകടം. ടയര്‍ മാറ്റുന്നതിനിടെ വാനില്‍ ലോറി വന്നിടിക്കുകയായിരുന്നു.

വാനിന്റെ ഡ്രൈവര്‍ എറണാകുളം ചൊവ്വര സ്വദേശി ബിജുവും പട്ടണക്കാട് സ്വദേശ് വാസുദേവനുമാണ് മരിച്ചത്. അമ്പലത്തില്‍ പോയി മടങ്ങിവരും വഴി വണ്ടിയുടെ ടയര്‍ മാറ്റുകയായിരുന്ന ബിജുവിനെ കണ്ട് സഹായിക്കാനെത്തിയതായിരുന്നു വാസുദേവന്‍.