ചെന്നൈ: തമിഴ്നാട്ടിലെ മധുരക്കടുത്തുള്ള പടക്ക നിര്‍മാണ ശാലയിലുണ്ടായ പൊട്ടിത്തെറിയില്‍ മരിച്ചവരുടെ എണ്ണം പതിനഞ്ചായി. വിരുദുനഗറിലെ പടക്ക ഫാക്ടറിയിലാണ് സ്ഫോടനമുണ്ടായത്. കാരണം വ്യക്തമായിട്ടില്ല. രക്ഷാ പ്രവര്‍ത്തനം പുരോഗമിക്കുകയാണ്. അതേ സമയം 35 പേര്‍ പരുക്കുകളോടെ ചികിത്സയിലുണ്ട്. ദുരന്തമുണ്ടായ ഉടനെ ഏഴുപേരുടെ മരണമാണ് റിപ്പോര്‍ട്ട് ചെയ്തത്. പിന്നീട് മരണസംഖ്യ വര്‍ധിക്കുകയായിരുന്നു. നിരവധി പേരുടെ പരുക്കു ഗുരുതരമായതിനാല്‍ മരണസംഖ്യ വര്‍ധിക്കാനിടയുണ്ടെന്നാണ് ആശുപത്രി വൃത്തങ്ങളില്‍ നിന്ന് ലഭിക്കുന്ന വിവരം.