ഹൈദരാബാദ്: ഹൈദരാബാദിനെ കേന്ദ്രഭരണ പ്രദേശമാക്കുമോ എന്ന പ്രചാരണത്തില്‍ സത്യമില്ലെന്ന് കേന്ദ്ര മന്ത്രി ജി കിഷന്‍ റെഡ്ഡി. കേന്ദ്രഭരണ പ്രദേശമാക്കാന്‍ തങ്ങള്‍ ഉദ്ദേശിക്കുന്നില്ലെന്നും ഹൈദരാബാദ് പോലുള്ള നഗരങ്ങളുടെ പുരോഗതിയാണ് സര്‍ക്കാര്‍ ലക്ഷ്യമിടുന്നതെന്നും കേന്ദ്രത്തിന്റെ നിലപാട് വ്യക്തമാണെന്നും അദ്ദേഹം പറഞ്ഞു. ഹൈദരാബാദിനെ കേന്ദ്ര ഭരണപ്രദേശമാക്കാന്‍ സര്‍ക്കാരിന് പദ്ധതിയുണ്ടെന്ന ഉവൈസിയുടെ പ്രസ്താവനയ്ക്കു മറുപടിയായാണ് റെഡ്ഡി പറഞ്ഞത്. ഇതൊരു തുടക്കമാണ്. ലോക്‌സഭയില്‍ ജമ്മുകശ്മിര്‍ പുനസ്സംഘടനയുമായി ബന്ധപ്പെട്ടു നടന്ന ചര്‍ച്ചയില്‍ ഉവൈസി പറഞ്ഞത്, കശ്മീരിന് പിന്നാലെ ഹൈദരാബാദ്, ചെന്നൈ, മുംബൈ സിറ്റികള്‍ ഭാവിയില്‍ കേന്ദ്രഭരണപ്രദേശമാക്കാന്‍ സാധ്യതയുണ്ട് എന്നായിരുന്നു.ഇത് തെറ്റായ അജണ്ടയാണ്. ടിആര്‍എസും എഐഎംഐഎമ്മും കള്ളം പ്രചരിപ്പിക്കുകയാണെന്നും റെഡ്ഡി പറഞ്ഞു.