തൃശൂര്‍: കൊടകരയില്‍ ഹാഷിഷ് ഓയിലുമായി രണ്ട് യുവാക്കള്‍ പിടിയില്‍. തൃശൂര്‍ ചിയാരം സ്വദേശികളായ അമല്‍, അനുഗ്രഹ് എന്നിവരാണ് പിടിയിലായത്. 300 ഗ്രാം ഹാഷിഷ് ഓയിലുമായാണ് യുവാക്കള്‍ പിടിയിലായത്.

പെണ്‍കുട്ടിയെ പിന്നിലിരുത്തി ബൈക്കില്‍ അഭ്യാസം കാണിച്ച് അപകടമുണ്ടാക്കിയതിനെ തുടര്‍ന്ന് കഴിഞ്ഞമാസം അമല്‍ നാട്ടുകാരുമായി അടിപിടിയുണ്ടാക്കിയത് വാര്‍ത്തയായിരുന്നു. നെല്ലായില്‍വെച്ചാണ് ഇവരെ പൊലിസ് പിടികൂടിയത്.

അഞ്ച് ഗ്രാം വീതമുള്ള 60 കുപ്പികളിലാക്കി 300 ഗ്രാം ഹാഷിഷ് ഓയിലാണ് ഇവരില്‍ നിന്ന് പിടികൂടിയത്. വാഹനപരിശോധനയ്ക്കിടെ യാദൃശ്ചികമായാണ് പിടിയിലായത്. ഇവര്‍ സഞ്ചരിച്ച ബൈക്ക് പൊലിസ് കസ്റ്റഡിയിലെടുത്തിട്ടുണ്ട്.