HOME
DETAILS

കേന്ദ്രത്തിനെതിരേ സംസാരിക്കുന്ന മുസ്‌ലിം നേതാക്കളെ ദാവൂദ് ഇബ്രാഹിമിന്റെ ആളുകളാക്കുന്നുവെന്ന് ശരദ് പവാര്‍

  
backup
February 23 2022 | 15:02 PM

centre-seals-muslim-leaders-as-dawood-associates

 

മുംബൈ

കേന്ദ്രസര്‍ക്കാരിനെതിരേ സംസാരിക്കുന്ന മുസ്‌ലിം നേതാക്കളെ ദാവൂദ് ഇബ്രാഹിമിന്റെ ആളുകളായി ചിത്രീകരിക്കുകയാണ്് ബി.ജെ.പിയെന്ന്  എന്‍.സി.പി അധ്യക്ഷന്‍ ശരദ് പവാര്‍. മഹാരാഷ്ട്ര മന്ത്രി നവാബ് മാലിക്കിനെ എന്‍ഫോഴ്‌സമെന്റ് ഡയറക്ടറേറ്റ് അറസ്റ്റ് ചെയ്തതിനോട് മാധ്യമങ്ങളോട് പ്രതികരിക്കുകയായിരുന്നു അദ്ദേഹം. മാലിക്കിന്റെ അറസ്റ്റിനെ തുടര്‍ന്ന് പവാര്‍ തന്റെ വസതിയില്‍ പവാര്‍ അടിയന്തര യോഗം വിളിച്ച് ചേര്‍ത്തിരുന്നു.
രാജേഷ് തോപെ, ഛഗന്‍ ബുജ്പാല്‍, അജിത് പവാര്‍ തുടങ്ങിയവര്‍ യോഗത്തിനെത്തിയിരുന്നു. ദാവൂദ് ഇബ്രാഹിം സംഘവുമായി ബന്ധം ആരോപിച്ചാണ് നവാബ് മാലിക്കിനെ ഇ.ഡി അറസ്റ്റ് ചെയ്തത്. മോദി സര്‍ക്കാരിനെതിരെ ശക്തമായ വിമര്‍ശകനാണ്് നവാബ്. ബോളിവുഡ് താരം ഷാറൂഖ് ഖാന്റെ മകന്‍ പ്രതിയായ ലഹരിമരുന്ന് കേസ് അന്വേഷണസംഘ തലവനായിരുന്ന നാര്‍ക്കോട്ടിക് കണ്‍ട്രോള്‍ ബ്യൂറോയുടെ സോണല്‍ ഡയരക്ടര്‍ സമീര്‍ വാങ്കഡെയ്‌ക്കെതിരെയുള്ള ഗുരുതരമായ ആരോപണങ്ങള്‍ വെളിപ്പെടുത്തിയത് ് നവാബായിരുന്നു. എന്‍.സി.പി അധ്യക്ഷന്‍ ശരദ് പവാര്‍, മുഖ്യമന്ത്രി ഉദ്ധവ് താക്കറെ, ആഭ്യന്തര മന്ത്രി ദിലീപ് വാല്‍സെ പാട്ടീല്‍ എന്നിവരുമായി താക്കറെയുടെ വസതിയില്‍ ചര്‍ച്ച നടത്തി. നവാബ് മാലിക്കിന്റെ രാജി ആവശ്യപ്പെട്ട് ബി.ജെ.പി രംഗത്തെത്തിയിരുന്നു. കൂടാതെ മാലികിന്റെ അറസ്റ്റ് വിവരം പുറത്തു വന്നതിന് പിന്നാലെ ബി.ജെ.പി പ്രവര്‍ത്തകര്‍ പാര്‍ട്ടി ആസ്ഥാനത്ത് പടക്കം പൊട്ടിച്ചാണ് ആഘോഷിച്ചത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."