തലശ്ശേരി: നാനൂറ് പാക്കറ്റ് അനധികൃത പുകയില ഉത്പന്നങ്ങളുമായി മധ്യവയസ്‌കനെ പൊലിസ് പിടികൂടി. ചക്കരക്കല്‍ കുറുക്കന്റവിട അബ്ദുള്‍ നസീര്‍ (49) ആണ് അറസ്റ്റിലായത്.   ഇന്നലെ രാവിലെ 10.30 ന് ലോഗന്‍സ് റോഡിലെ ലോഡ്ജിന് സമീപത്തു നിന്നാണ് പിടിയിലായത്. ബംഗളൂരുവില്‍ നിന്ന് തലശ്ശേരിയില്‍ വില്‍പ്പന നടത്താന്‍ ബാഗിലാക്കി കൊണ്ടുവരികയായിരുന്നു. നസീറിനെ പിന്നീട് ജാമ്യത്തില്‍ വിട്ടു. പ്രദേശത്ത് നിരവധി തവണ ഇത്തരം ഉല്‍പന്നങ്ങളുമായി ആളുകള്‍ പിടിയിലായെങ്കിലും അധികൃതര്‍ ഇക്കാര്യം ഗൗരവമായെടുക്കുന്നില്ലെന്നാണ് പരാതി.