ത്വായിഫ്: മൂന്ന് പതിറ്റാണ്ട് കാലത്തെ പ്രവാസത്തിന് വിരാമമിടുന്ന ത്വായിഫ് കെഎംസിസി മുൻകാല നേതാവും സെൻട്രൽ കമ്മിറ്റി ജനറൽ സെക്രട്ടറിയുമായിരുന്ന അബ്ദുൽ ഗഫൂർ പുല്ലാളൂരിന് ത്വായിഫ് കെഎംസിസി സെൻട്രൽ കമ്മിറ്റിയുടെ നേതൃത്വത്തില്‍ യാത്രയപ്പ് നൽകി. കെഎംസിസി ഓഫീസിൽ നടന്ന ചടങ്ങിൽ സെൻട്രൽ കമ്മിറ്റിക്ക് വേണ്ടി നാലകത്ത് മുഹമ്മദ് സാലിഹ് സാഹിബും സിറ്റി, ശുത്ബ, ഹലകജുനൂബ് എന്നീ എരിയാ കമ്മറ്റികളുടെ പ്രതിനിധികളും മെമോന്റോകൾ നൽകി ആദരിച്ചു.

    പ്രസിഡണ്ട് നാലകത്ത് മുഹമ്മദ് സാലിഹിന്റെ അധ്യക്ഷതയിൽ ചേർന്ന ചടങ്ങിൽ മുഹമ്മദ് അബ്ദുറഹ്മാൻ സ്വാഗതം ആശംസിച്ചു. കരീം കോട്ടക്കൽ, മുജീബ്, ബഷീർ താനൂർ, മുഹമ്മദ് ഷാ തങ്ങൾ, അലി ഒറ്റപ്പാലം, അബ്ദുറഹ്മാൻ വടക്കഞ്ചേരി, അഷ്റഫ് നഹാരി, മുഹമ്മദ് അലി തെങ്കര, സുനീർ ആനമങ്ങാട്, അഷ്റഫ് താനാളൂർ എന്നിവർ യാത്രാശംസകൾ നേർന്നു. റഫീഖ് തണ്ഡലം, ഷഫീക്ക് കുന്നമംഗലം എന്നിവരും ചടങ്ങിൽ സംബന്ധിച്ചു.