തിരുവനന്തപുരം: ആറ്റിങ്ങലില്‍ ബൈക്കും ലോറിയും കൂട്ടിയിടിച്ചുണ്ടായ അപകടത്തില്‍ ബൈക്ക് യാത്രക്കാരനായ വിദ്യാര്‍ഥി മരിച്ചു. കഴക്കൂട്ടം മരിയന്‍ എന്‍ജിനീയറിങ് കോളജിലെ വിദ്യാര്‍ഥി അയിലം സ്വദേശി അച്ചു ആണ് മരിച്ചത്.

ആറ്റിങ്ങല്‍ ദേശീയപാതയില്‍ കൊരാണിക്ക് സമീപം പതിനെട്ടാംമൈലില്‍ രാവിലെ എട്ടരയോടെയാണ് അപകടമുണ്ടായത്. ബൈക്കില്‍ ഒപ്പമുണ്ടായിരുന്ന ആലംകോട് സ്വദേശി ആദിലിനെ പരുക്കുകളോടെ തിരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചു.

കാര്‍ഗോ കയറ്റി വന്ന ലോറിയും അപകടത്തില്‍ പെട്ട ബൈക്കും തിരുവനന്തപുരം ഭാഗത്തേക്ക് വരികയായിരുന്നു. എതിര്‍ ദിശയില്‍ നിന്ന് വാനഹത്തെ മറികടന്നുവന്ന മറ്റൊരു വാഹനം ബൈക്കിലിടിക്കുകയും ബൈക്ക് ലോറിക്കടിയില്‍ കുടുങ്ങുകയുമായിരുന്നു.

നാട്ടുകാര്‍ അറിയിച്ചതനുസരിച്ച് കഴക്കൂട്ടത്ത് നിന്നെത്തിയ അഗ്‌നിശമന സേനാംഗങ്ങളും ആറ്റിങ്ങല്‍ പൊലിസ് ഉദ്യോഗസ്ഥരും എത്തിയാണ് തീയണച്ചത്.