സിഡ്‌നി: ഓസ്‌ട്രേലിയന്‍ ക്രിക്കറ്റ് ഇതിഹാസം റോഡ്‌നി വില്യം മാര്‍ഷ് അന്തരിച്ചു. 74 വയസായിരുന്നു. കഴിഞ്ഞ ആഴ്ച ഹൃദയാഘാതം ഉണ്ടായതിനെ തുടര്‍ന്ന് ഗുരതരാവസ്ഥയിലായതിനെത്തുടര്‍ന്ന് അഡ്‌ലെയ്ഡിലെ ആശുപത്രിയില്‍ പ്രവേശിപ്പിച്ചിരുന്നു.

ഇവിടെ ചികില്‍സയില്‍ കഴിയവെയാണ് അന്ത്യം. 2016 വരെ ക്രിക്കറ്റ് ഓസ്‌ട്രേലിയയുടെ സെലക്ടര്‍മാരില്‍ ഒരാളായിരുന്നു മാര്‍ഷ്.

ഓസ്‌ട്രേലിയയുടെ വിക്കറ്റ്കീപ്പറായി സെഞ്ചുറി നേടുന്ന ആദ്യ താരമെന്ന റെക്കോര്‍ഡും മാര്‍ഷിന്റെ പേരിലാണ്. ഓസ്‌ട്രേലിയക്കായി 1970 മുതല്‍ 1984 വരെ 96 ടെസ്റ്റ് മത്സരങ്ങളില്‍ മാറ്റുരച്ച അദ്ദേഹം 355 പുറത്താക്കലുകള്‍ നടത്തിയിട്ടുണ്ട്.