വൈക്കം: തെരുവുനായകള്‍ക്ക് കോടികളുടെ വീടൊരുക്കി സര്‍ക്കാര്‍. വൈക്കം കെ.എസ്.ആര്‍.ടി.സി ബസ് സ്റ്റാന്‍ഡിലെ നിര്‍ത്തിയിട്ടിരിക്കുന്ന കെ.യു.ആര്‍.ടി.സി ബസ്സുകളാണ് തെരുവുനായകള്‍ സ്വന്തമാക്കിയിരിക്കുന്നത്. ദിവസവും 25,000 രൂപയോളം വരുമാനമുള്ള ബസ്സുകളാണ് ഇവിടെ സര്‍വീസ് നടത്താതെ കിടക്കുന്നത്. നാല്‍പ്പതിലധികം ദിവസമായി ബസ്സ്റ്റാന്‍ഡില്‍ നിര്‍ത്തിയിട്ടിരിക്കുന്നതിനാലാണ് തെരുവുനായകള്‍ ഇവ സങ്കേതമാക്കിയിരിക്കുന്നത്.