27 മുതലാണ് സര്‍വിസുകള്‍ ആരംഭിക്കുക

ന്യൂഡല്‍ഹി: കൊവിഡ് നിയന്ത്രണങ്ങളുടെ ഭാഗമായി നിര്‍ത്തിവച്ചിരുന്ന വിമാന സര്‍വീസുകള്‍ പുനരാരംഭിക്കാന്‍ ഒരുങ്ങി ഇന്ത്യ. മാര്‍ച്ച് 27 മുതല്‍ അന്താരാഷ്ട്ര യാത്രാ വിമാനം സര്‍വീസുകള്‍ പുനരാരംഭിക്കുമെന്ന് ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ അറിയിച്ചു.ഈ വര്‍ഷം ഫെബ്രുവരി 28നാണ് അവസാനമായി സര്‍വീസുകള്‍ നിര്‍ത്തലാക്കിയ കാലാവധി നീട്ടിയത്.

2020 മാര്‍ച്ച് 23മുതലാണ് പതിവായി ഷെഡ്യൂള്‍ ചെയ്ത അന്താരാഷ്ട്ര വിമാന സര്‍വീസുകള്‍ താല്‍ക്കാലികമായി നിര്‍ത്തിവച്ചത്. മാര്‍ച്ചിലെ വേനല്‍കാല ഷെഡ്യൂളുകള്‍ മുതല്‍ സര്‍വീസുകള്‍ പുനരാരംഭിക്കാനാണ് തീരുമാനമെന്ന് വ്യോമയാന മന്ത്രാലയം അറിയിച്ചു.