നടവയല്‍: നിരവധി വിദ്യാര്‍ഥികളും സാദാരണക്കാരയ ജനങ്ങളും ദിവസവും സഞ്ചരിക്കുന്ന നടവയല്‍ ടൗണില്‍ ഗതാഗത കുരുക്ക് പതിവാകുന്നു.
നടവയലില്‍ നിന്നും പുല്‍പള്ളി, ബത്തേരി, പനമരം, നെല്ലിയമ്പം വഴി പനമരം തുടങ്ങി പല ഭാഗങ്ങളിലേക്കും ബസുകള്‍ പോകുന്നുണ്ട്. വിവിധ ഭാഗങ്ങളില്‍ നിന്ന് ടൗണിലെത്തുന്ന ബസുകളും മറ്റ് വാഹനങ്ങളും വിദ്യാര്‍ഥികള്‍ക്കും നാട്ടുകാര്‍ക്കും അപകടാവസ്ഥയുണ്ടാക്കുന്നു. സ്‌കൂള്‍ കുട്ടികള്‍ വരുന്ന രാവിലെ 8.30 മുതല്‍ 9.30 വരെയും വൈകിട്ട് നാല് മുതല്‍ 4.30 വരെയും പൊലിസിനെ ഏര്‍പ്പെടുത്തണമെന്ന് നടവയല്‍ ടൗണിലെ വ്യാപാരികളും നാട്ടുകാരും സ്‌കൂള്‍, കോളജ് അധികൃതരും ആവശ്യപ്പെട്ടു.