അഞ്ച് സംസ്ഥാനങ്ങളിലേക്ക് നടന്ന നിയമസഭാ തെരഞ്ഞെടുപ്പിലെ കോണ്‍ഗ്രസിന്റെ തോല്‍വിയില്‍ പ്രതിപക്ഷ നേതാവ് രമേശ് ചെന്നിത്തലയെയും കോണ്‍ഗ്രസിനെയും പരിഹസിച്ച മുഖ്യമന്ത്രി പിണറായി വിജയന്റെ പരാമര്‍ശത്തിനു മറുപടിയുമായി യൂത്ത് കോണ്‍ഗ്രസ് നേതാവ് രാഹുല്‍ മാങ്കൂട്ടത്തില്‍. 'പിണറായി വിജയന്‍ പറഞ്ഞത് സത്യമാണ്.

ഞങ്ങള്‍ക്കിന്ന് ദുര്‍ദിനമാണ്, കാരണം ഞങ്ങള്‍ പരാജയപ്പെട്ടു എന്ന് മാത്രമല്ല സംഘപരിവാര്‍ നാല് സ്ഥലത്ത് ജയിക്കുക കൂടി ചെയ്തു'. രാഹുല്‍ ഫേസ് ബുക്കില്‍ കുറിച്ചു. എന്നാല്‍ സംഘപരിവാറിനും ആ മനസുള്ളവര്‍ക്കും ഇന്ന് ശുഭദിനമാണെന്നും താങ്കള്‍ക്ക് ശുഭദിനം നേരുന്നുവെന്നും രാഹുല്‍ ഫേസ്ബുക്ക് പോസ്റ്റിലൂടെ പരിഹസിച്ചു.