കൊച്ചി: പ്രശസ്ത കല്യാണ മേക്കപ്പ് ആര്‍ടിസ്റ്റിനെതിരെ മൂന്ന് കേസുകള്‍കൂടി. വിവാഹമേക്കപ്പിടുന്നതിനിടെ ലൈംഗിക ചുവയോടെ പെരുമാറുകയും കടന്നുപിടിക്കുകയും ചെയ്‌തെന്ന മൂന്ന് സ്ത്രീകളുടെ പരാതിയിലാണ് കേസ്. പാലാരിവട്ടം പൊലിസാണ് ഇയാള്‍ക്കെതിരേ കേസെടുത്തത്.
എറണാകുളം ചക്കരപ്പറമ്പ് സ്വദേശിയായ അനീസ് അന്‍സാരിക്കെതിരേ ഒരാഴ്ചമുമ്പ് യുവതികള്‍ മീടു പോസ്റ്റ് ഇട്ടിരുന്നു. ഇയാള്‍ക്കെതിരെ കേസെടുക്കുമെന്ന് സിറ്റി പൊലിസ് കമ്മീഷണര്‍ നാഗരാജു നേരത്തെ വിശദമാക്കിയിരുന്നു. പോസ്റ്റിന് പിന്നാലെ ഇയാള്‍ ദുബായിലേക്ക് കടന്നുവെന്നാണ് പൊലിസ് പറയുന്നത്.
അതേ സമയം ഇയാള്‍ ദുബൈയിലേക്കു കടന്നതായാണ് വിവരം.