കൊച്ചി: ഒന്നര വയസുകാരിയെ വെള്ളത്തില്‍ മുക്കിക്കൊന്ന കേസില്‍ പിതാവിന്റെ അമ്മ സിപ്‌സി അറസ്റ്റില്‍. തിരുവനന്തപുരം പൂന്തുറയില്‍ നിന്നാണ് ഇവരെ പൊലീസ് അറസ്റ്റ് ചെയ്തത്. സിപ്‌സിയെ ഉടന്‍ കൊച്ചി പൊലിസിന് കൈമാറും.

ജാമ്യമില്ലാ വകുപ്പ് പ്രകാരമാണ് അറസ്റ്റ് രേഖപ്പെടുത്തിയിരിക്കുന്നത്. ഒന്നരവയസുകാരിയുടെ കൊലപാതകത്തില്‍ കുട്ടിയുടെ പിതാവ് സജീവനെതിരെയും പൊലീസ് കേസെടുത്തിരുന്നു. കുട്ടിയുടെ സംരക്ഷണത്തില്‍ വീഴ്ച വരുത്തിയതിനാണ് ഇരുവര്‍ക്കും എതിരെ കേസെടുത്തത്.

ബാലനീതി വകുപ്പ് പ്രകാരമാണ് കേസെടുത്തത്.ബുധനാഴ്ചയാണ് കൊച്ചി കലൂരിലെ ലെനിന്‍ സെന്ററിന് അടുത്തുള്ള ഒരു ഹോട്ടല്‍ മുറിയില്‍ വച്ച് ഒന്നരവയസ്സുകാരി നോറയെ ഒന്നരവയസ്സുകാരിയെ കുട്ടിയുടെ പിതാവിന്റെ അമ്മയുടെ സുഹൃത്ത് കൊലപ്പെടുത്തിയത്.