ലോകകപ്പ് മെഡലിന് കാവലിരിക്കാന്‍ 20,000 യൂറോയുടെ പട്ടിയെ വാങ്ങി അര്‍ജന്റീന ഗോള്‍ കീപ്പര്‍ എമിലിയാനോ മാര്‍ട്ടിനസ്. യു.എസ് നേവീ സീല്‍സിലുണ്ടായിരുന്ന പട്ടിയെ ഏകദേശം 19 ലക്ഷം രൂപ മുടക്കിയാണ് മാര്‍ട്ടിനസ് സ്വന്തമാക്കിയത്. ഡെയ്‌ലി മെയിലും മാര്‍സയുമടക്കമുള്ള പ്രമുഖ മാധ്യമങ്ങള്‍ ഇക്കാര്യം റിപ്പോര്‍ട്ട് ചെയ്തു.ലോക കപ്പില്‍ അര്‍ജന്റീനയുടെ കിരീടനേട്ടത്തില്‍ പ്രധാന പങ്കുവഹിച്ച താരമാണ് എമി മാര്‍ട്ടിനസ്.

ഓറഞ്ച് പടയ്‌ക്കെതിരെ രണ്ട് പെനാല്‍റ്റി കിക്കുകള്‍ മാര്‍ട്ടിനെസ് രക്ഷപ്പെടുത്തി. ഫ്രാന്‍സിനെതിരെ നിര്‍ണായകമായ ഒരു കിക്കും താരം കയ്യിലൊതുക്കി. ഇതിലൂടെയാണ് അര്‍ജന്റീന ലോകകപ്പ് ഉയര്‍ത്തുന്നതും മാര്‍ട്ടിനെസ് മികച്ച ഗോള്‍ കീപ്പര്‍ക്കുള്ള പുരസ്‌കാരം ഏറ്റുവാങ്ങുന്നതും.