ലോകകപ്പ് ഹോക്കിയില്‍ ജയിച്ച് തുടങ്ങി ടീം ഇന്ത്യ. പൂള്‍ ഡിയിലെ മത്സരത്തില്‍ കരുത്തരായ സ്‌പെയിനിനെ എതിരില്ലാത്ത രണ്ട് ഗോളിനാണ് ഇന്ത്യ തോല്‍പിച്ചത്. ആദ്യ രണ്ട് ക്വാര്‍ട്ടറുകളിലാണ് രണ്ട് ഗോളുകളും പിറന്നത്.

ആദ്യ ക്വാര്‍ട്ടറില്‍ അമിത് രോഹിദാസ് ഇന്ത്യയ്ക്കായി സ്‌കോര്‍ ചെയ്തപ്പോള്‍ രണ്ടാം ക്വാര്‍ട്ടറില്‍ ഹര്‍ദിക് സിങാണ് സ്‌കോര്‍ ചെയ്തത്. അവസാന രണ്ട് ക്വാര്‍ട്ടറുകളിലും ഗോളകന്നു നിന്നു. മത്സരങ്ങള്‍ക്ക് ഇന്ന് ഒഡിഷയില്‍ വെച്ചാണ് തുടക്കമായത്. ഇന്നുകൂടി ജയിച്ചതോടെ സ്‌പെയിനിനെതിരായ നേര്‍ക്കുനേര്‍ കണക്കില്‍ ഇന്ത്യ വീണ്ടും ആധിപത്യമുയര്‍ത്തി.