പത്തനംതിട്ട: ശബരിമല മകരവിളക്ക് മഹോത്സവം ഇന്ന് നടക്കും. പന്തളം കൊട്ടാരത്തില്‍ നിന്ന് പുറപ്പെട്ട തിരുവാഭരണ ഘോഷയാത്ര ഇന്ന് 5.30 ന് സന്നിധാനത്ത് എത്തും. തുടര്‍ന്നാണ് മകരജ്യോതി ദര്‍ശനം. രാത്രി 8.45 ന് ആണ് മകര സംക്രമപൂജ.

സന്നിധാനത്ത് 80,000 ഭക്തര്‍ക്ക് തങ്ങാനുള്ള സൗകര്യം ഏര്‍പ്പെടുത്തിയതായി എ.ഡി.ജി.പി എം.ആര്‍ അജിത് കുമാര്‍ പറഞ്ഞു. നിലയ്ക്കലും സന്നിധാനത്തും പമ്പയിലും ദ്രുതകര്‍മ സേനയ്ക്ക് പുറമെ 3000 പൊലിസുകാരെയും വിന്യസിച്ചിട്ടുണ്ട്.