കൊടുങ്ങല്ലര്‍: സ്റ്റോപ്പില്‍ നിര്‍ത്താതെ പോയ ബസിനെ വിദ്യാര്‍ഥികള്‍ പിന്തുടര്‍ന്ന് തടഞ്ഞു. ബസ് കണ്ടക്ടര്‍ക്ക് മര്‍ദ്ദനമേറ്റതായി പരാതി. എറിയാട് കേരളവര്‍മ്മ ഗവ. ഹയര്‍ സെക്കന്‍ഡറി സ്‌കൂള്‍ സ്റ്റോപ്പില്‍ ബസ് കാത്തു നില്‍ക്കുകയായിരുന്ന വിദ്യാര്‍ഥികളെ കയറ്റാതെ പോയ ഖുറൈശ് എന്ന സ്വകാര്യ ബസിനെയാണ് ചന്തപ്പുരയില്‍ വെച്ച് തടഞ്ഞത്. വിദ്യാര്‍ഥികളും ബസ് ജീവനക്കാരും തമ്മിലുണ്ടായ തര്‍ക്കത്തില്‍ ഓട്ടോറിക്ഷ ഡ്രൈവര്‍മാരും ചേര്‍ന്നതോടെ സംഭവം കയ്യാങ്കളിയിലെത്തി. സംഭവമറിഞ്ഞെത്തിയ പൊലിസ് ഇരുകൂട്ടരെയും സ്റ്റേഷനിലേക്ക് വിളിച്ചു വരുത്തി താക്കീത് ചെയ്ത് വിട്ടയച്ചു. ഇതേ സമയം ഓട്ടോറിക്ഷ തൊഴിലാളികള്‍ മര്‍ദ്ദിച്ചെന്ന് ആരോപിച്ച ബസ് കണ്ടക്ടര്‍ മിഥു (30) നെ ആശുപത്രിയില്‍ പ്രവേശിച്ചിട്ടുണ്ട്.