കൊച്ചി: കൊച്ചി പനങ്ങാട് പൊലിസ് സ്റ്റേഷനില്‍ ഡ്യൂട്ടിയെ ചൊല്ലിയുള്ള മാനസിക പീഡനം ചോദ്യം ചെയ്ത വനിത പൊലിസുകാരിയോട് എസ്.ഐ പരുഷമായി പെരുമാറിയതായി പരാതി. തുടര്‍ന്ന് വിശ്രമ മുറിയില്‍ കയറി വാതിലടച്ച ഉദ്യോഗസ്ഥയെ ഏറെ നേരം കഴിഞ്ഞിട്ടും പുറത്തുവരാത്തതിനെ തുടര്‍ന്ന് സഹപ്രവര്‍ത്തകര്‍ വാതില്‍ ചവിട്ടി പുറത്തിറക്കി. ഇന്ന് രാവിലെയാണ് സ്റ്റേഷനില്‍ നാടകീയ സംഭവങ്ങളുണ്ടായത്.എസ് ഐ ജിൻസൺ ഡൊമിനിക്കിനെതിരെയാണ് പരാതി.

സംഭവം വിവാദമായതോടെ ഡെപ്യൂട്ടി കമ്മിഷണറുടെ അടക്കം നിര്‍ദേശത്തിന്റെ അടിസ്ഥാനത്തില്‍ വിഷയത്തില്‍ സ്‌പെഷല്‍ ബ്രാഞ്ച് ഡിവൈ.എസ്.പി. അന്വേഷണം ആരംഭിച്ചു.