വെങ്കിടങ്ങ്: റിയോ ഒളിമ്പിക്‌സില്‍ ഇന്ത്യക്ക് അഭിമാനമായി ഗുസ്തിയില്‍ മെഡല്‍ ലഭിച്ചതില്‍ നിന്ന് ആവേശമുള്‍ക്കൊണ്ട് തൊയക്കാവ് ആര്‍.സി.യു.പി സ്‌കൂളില്‍ കായിക വേദി സംഘടിപ്പിച്ച പഞ്ചഗുസ്തി മത്സരം ദേശീയ പഞ്ചഗുസ്തി വെങ്കല മെഡല്‍ ജേതാവ് രഹന റഷീദ് ഉദ്ഘാടനം ചെയ്തു. പി.ടി.എ പ്രസിഡന്റ് രാജി ഷാജു അധ്യക്ഷയായി. മാനേജര്‍ ഫാ.ജേക്കബ് തച്ചറാട്ടില്‍ വിജയികള്‍ക്ക് സമ്മാനദാനം നിര്‍വഹിച്ചു. പ്രധാന അധ്യാപകന്‍ ഒ.എല്‍ ജോസ്, പി.എഫ് ഫ്രോസന്‍, സി.എല്‍ ഔസേപ്പ് എന്നിവര്‍ സംസാരിച്ചു.