ജിദ്ദ: അദ്ധ്യാപകരും രക്ഷിതാക്കളും
കുട്ടികളുടെ ശിക്ഷണത്തിൽ സ്വീകരിച്ചു വരുന്ന പാരമ്പര്യമായ ആജ്ഞാ രീതികളിൽ നിന്ന് ഭിന്നമായി അവർക്ക് മടുപ്പുളവാക്കാത്തതും താൽപ്പര്യം ജനിപ്പിക്കുന്ന തുമായ വ്യത്യസ്തമായ മാർഗ്ഗങ്ങൾ സ്വീകരിക്കുമ്പോൾ
പഠനത്തിലും പാഠ്യേതര വിഷയങ്ങളിലും അവർക്ക് ഉണർവും ഉത്സാഹവും
ഉണ്ടാകുമെന്ന് കിംഗ് അബ്ദുൽ അസീസ് യൂണിവേഴ്സിറ്റി അധ്യാപകനുമായ ഡോ: ഇസ്മയിൽ മരിതേരി അഭിപ്രായപ്പെട്ടു. ജിദ്ദ
ഇന്ത്യൻ ഇസ്‌ലാഹി സെൻററിന് കീഴിൽ പ്രവർത്തിക്കുന്ന ശൈഖുൽ ഇസ്‌ലാം ഇബ്നു തൈമിയ്യ മദ്രസ വിദ്യാർത്ഥികൾക്കായി നടത്തിയ 'ഫെയ്സ് ടു ഫെയ്സ് എഫക്റ്റീവ് പാരന്റിംഗ്' സെഷനിൽ രക്ഷിതാക്കളുമായി സംവദിക്കുകയായിരുന്നു അദ്ദേഹം.

കൊറോണ കാരണം രണ്ടു വർഷമായി
തുടർന്നുവരുന്ന ഓൺലൈൻ പഠനം ഓഫ് ലൈനിലേക്ക് മാറുന്നത് കുട്ടികളിലുണ്ടാകുന്ന
മാറ്റങ്ങളെ ഉൾക്കൊള്ളുകയെന്നത്
അദ്ധ്യാപകർക്ക് മാത്രമല്ല രക്ഷിതാക്കൾക്കും ഏറെ ശ്രമകരമായ കാര്യമാണ്. കുട്ടികൾ വിദ്യാലയങ്ങളിൽ നിന്ന് നേടുന്നത് ജ്ഞാനങ്ങൾ മാത്രമല്ല, കർമ്മങ്ങൾ കൂടിയാണ്. അദ്ധ്യാപകരിൽ കാണുന്ന ഓരോ ചലനങ്ങളും അവർ ഒപ്പിയെടുക്കുകയും അതിലെ ശരിതെറ്റുകൾ വേർതിരിക്കാതെ
സ്വഭാവരൂപീകരണത്തിന് കാരണമായിത്തീരുകയും ചെയ്യുമെന്നും അദ്ദേഹം വിശദീകരിച്ചു.

വീടകങ്ങളിൽ രക്ഷിതാക്കളും
ഇത് ശ്രദ്ധിക്കേണ്ടതാണ്. കുടുംബ ജീവിതത്തിൽ സ്വാഭാവികമായും ഉണ്ടാകുന്ന തർക്ക വിതർക്കങ്ങൾ കുട്ടികളുടെ മനഃസംഘർഷങ്ങളെ വർ ദ്ധിപ്പിക്കുമെന്നതിനാൽ അവരുടെ സാന്നിധ്യത്തിലെങ്കിലും അവയൊക്കെ മറച്ചുവെക്കാൻ ശ്രദ്ധിക്കേണ്ടതുണ്ടെന്ന് അദ്ദേഹം രക്ഷിതാക്കളെ ഓർമ്മപ്പെടുത്തി.

മകളെ നല്ല രൂപത്തിൽ വളർത്തിയെടുക്കുക എന്നത് അത്ര എളുപ്പമുള്ളതല്ലെന്ന ചില പഠനങ്ങൾ തങ്ങളുടെ സമയവും സമ്പത്തും മക്കൾക്ക് വേണ്ടി നീക്കി വെക്കുന്ന രക്ഷിതാക്കൾ ഗൗരവമായി മനസ്സിരുത്തേണ്ടതുണ്ട്. സമ്പത്തും സാന്താനവും ദൈവാനുഗ്രഹമെന്നപ്പോലെ പരീക്ഷണവും കൂടിയാണെന്നും അദ്ദേഹം പറഞ്ഞു.

പരിപാടിയിൽ ഇസ്‌ലാഹി സെന്റർ പ്രസിഡന്റ് അബ്ബാസ് ചെമ്പൻ അധ്യക്ഷത വഹിച്ചു.
സെക്രട്ടറി ശിഹാബ് സലഫി സ്വാഗതവും അമീൻ നന്ദിയും പറഞ്ഞു.