ബിരിക്കുളം: കനത്തമഴയില്‍ ഓടിട്ട വീടു തകര്‍ന്നു. വീടിനകത്തുണ്ടായിരുന്നവര്‍ അത്ഭുതകരമായി രക്ഷപ്പെട്ടു.    
കൊട്ടമടലിലെ പി.എം രാമന്റെ വീടാണ് ഇന്നലെ ഉച്ചയ്ക്കു മൂന്നോടെ തകര്‍ന്നത്. വീടിന്റെ ചുമര്‍ മണ്‍കട്ടകൊണ്ടു നിര്‍മിച്ചതായിരുന്നു.  
സംഭവ സമയത്തു രാമനും ഭാര്യ ഗൗരിക്കുട്ടി, മകന്‍ രാജേഷ്, ഭാര്യ ബിന്ദു, മക്കളായ അതുല്‍രാജ് (മൂന്നര), അതുല്യ (ഒന്ന്) എന്നിവരും വീടിനകത്തുണ്ടായിരുന്നു.
തകരുന്ന ശബ്ദം കേട്ടു വീട്ടുകാര്‍ പുറത്തേക്കോടിയതിനാല്‍ വന്‍ ദുരന്തമൊഴിവായി.