കായംകുളം: ഏഴു വയസുകാരിയെ ലൈംഗികമായി പീഡിപ്പിക്കാന്‍ ശ്രമിച്ച കേസില്‍ പാസ്റ്റര്‍ അറസ്റ്റില്‍ . കറ്റാനം വാലുതുണ്ടില്‍ വീട്ടില്‍ നിന്നും ഇപ്പോള്‍ തെക്കേ മങ്കുഴി മുറിയില്‍ പനയ്ക്കാട്ട് കോട്ടയില്‍ വീട്ടില്‍ വാടകയ്ക്ക് താമസിക്കുന്ന ഇടിക്കുള തമ്പി (67) ആണ് അറസ്റ്റിലായത്.

ചൊവ്വാഴ്ച രാവിലെ 10 മണിക്കാണ് സംഭവം. വീടിന്റെ അടുക്കളയില്‍ കളിച്ചു കൊണ്ടിരുന്ന പെണ്‍കുട്ടിയെ പാസ്റ്ററായ പ്രതി വീടിന്റെ പറമ്പിലെത്തിച്ച് പീഡിപ്പിക്കാന്‍ ശ്രമിക്കുകയായിരുന്നു.

പെണ്‍കുട്ടിയുടെ അച്ഛനാണ് കുട്ടിയെ പീഡനത്തില്‍ നിന്നും രക്ഷപ്പെടുത്തിയത്. പിന്നിട് ഇദ്ദേഹം പൊലിസില്‍ അറിയിക്കുകയായിരുന്നു. കോടതിയില്‍ ഹാജരാക്കിയ പാസ്റ്റര്‍തമ്പിയെ ജ്യൂഡീഷ്യല്‍ കസ്റ്റഡിയില്‍ റിമാന്റ് ചെയ്തു.