ചിറപ്പുറം: നീലേശ്വരം നഗരസഭയിലെ ചിറപ്പുറം, ആലിന്‍കീഴില്‍ ഭാഗങ്ങളിലെ തെരുവുവിളക്കുകള്‍ മാസങ്ങളായി കത്തുന്നില്ലെന്നു പരാതി.
കൃത്യസമയത്ത് അറ്റകുറ്റപ്പണി നടത്താത്തതാണു തെരുവുവിളക്കുകള്‍ കണ്ണടക്കാന്‍ കാരണമെന്നാണ് ആക്ഷേപം. പലതവണ അധികൃതരുടെ ശ്രദ്ധയില്‍ ഇക്കാര്യം കൊണ്ടുവന്നെങ്കിലും പരിഹാരമായില്ല.
മഴക്കാലമായതിനാല്‍ രാത്രികാലങ്ങളിലും രാവിലെയും ഇതുവഴി സഞ്ചരിക്കുന്നവര്‍ അനുഭവിക്കുന്ന ദുരിതം ചെറുതല്ല. റോഡരികില്‍ കാടുമൂടി കിടക്കുന്നതും ദുരിതം ഇരട്ടിപ്പിക്കുന്നു. തെരുവുനായകള്‍ ഏറെയുള്ള ഇവിടെ ജനങ്ങള്‍ ഭയത്തോടെയാണ് സഞ്ചരിക്കുന്നത്.
പ്രശ്‌നം പരിഹരിക്കാത്തതില്‍ നാട്ടുകാര്‍ പ്രതിഷേധത്തിലാണ്.