സ​ന്തോ​ഷ് ക​ല്ലി​ങ്ങ​ൽ
ഡാ ​നീ നെ​ല്ലി​യാ​മ്പ​തി പോ​ര​ണോ... ചോ​ദ്യം അ​പ്ര​സ​ക്ത​മാ​യി​രു​ന്നു. പാ​ത​യോ​രം പ​ച്ച​വി​രി​ച്ചു നി​ൽ​ക്കു​ന്നു. പ​ക്ഷി​ക​ളും മ​ല​യ​ണ്ണാ​നും പാ​ഞ്ഞു​ന​ട​ക്കു​ന്നു. കാ​ട്ടു​ചോ​ല​ക​ളു​ടെ ശ​ബ്ദം താ​ഴെ​നി​ന്ന് കേ​ൾ​ക്കു​ന്നു. വ​ള​ഞ്ഞു​പു​ള​ഞ്ഞ റോ​ഡി​ലൂ​ടെ ചീ​റി​പ്പാ​യു​ന്ന വാ​ഹ​ന​ങ്ങ​ൾ​ക്കു​ള്ളി​ൽ​നി​ന്ന് പാ​ട്ടും കൊ​ട്ടും... പ്ര​തീ​ക്ഷ​ക​ളാ​ണി​തെ​ല്ലാം.

ചെ​ർ​പ്പു​ള​ശ്ശേ​രി​യും നെ​ന്മാ​റ​യും പോ​ത്തു​ണ്ടി ഡാ​മി​നോ​ട് ചേ​ർ​ന്നു​ള്ള ഫോ​റ​സ്റ്റ് ചെ​ക്‌​പോ​സ്റ്റും ക​ട​ന്ന് നെ​ല്ലി​യാ​മ്പ​തി​യി​ലേ​ക്കു​ള്ള ചു​രം ക​യ​റു​ക​യാ​ണ്. പാ​ല​ക്കാ​ടി​ന്റെ സൗ​ന്ദ​ര്യം കാ​ഴ്ച​ക​ളി​ലേ​ക്ക് എ​ത്തി​ക്കൊ​ണ്ടി​രി​ക്കു​ന്നു. കു​ള​വും തോ​ടും പു​ഴ​യും നീ​ണ്ടു​നി​ര​ന്നു കി​ട​ക്കു​ന്ന വ​യ​ലു​ക​ളും വ​യ​ലു​ക​ളി​ൽ ഒ​റ്റ​പ്പെ​ട്ട കൊ​ട​പ്പ​ന​ക​ളും ആ ​സൗ​ന്ദ​ര്യ​ത്തെ ഇ​ര​ട്ടി​പ്പി​ച്ചു. പു​ല​ർ​കാ​ല വെ​യി​ലി​നെ സാ​ക്ഷി​യാ​ക്കി മൂ​ന്നു മ​യി​ലു​ക​ളി​ൽ ഒ​രെ​ണ്ണം പീ​ലി​ക​ൾ വി​ട​ർ​ത്തി നൃ​ത്തം ചെ​യ്യു​ന്നു. വ​യ​ലു​ക​ളി​ൽ വി​വി​ധ​ത​രം കൊ​ക്കു​ക​ളെ​യും കാ​ണു​ന്നു​ണ്ട്. കു​ള​ക്കൊ​ക്ക് (Pond heron), കാ​ലി​മു​ണ്ടി (Cattle egret), ചെ​റി​യ​മു​ണ്ടി (Little egret), വ​ലി​യ​മു​ണ്ടി (Great egret) എ​ന്നി​വ​യൊ​ക്കെ​യാ​ണ് അ​ക്കൂ​ട്ട​ത്തി​ൽ ഉ​ണ്ടാ​യി​രു​ന്ന​ത്. വ​യ​ലി​ന​രി​കി​ലു​ള്ള തെ​ങ്ങി​ൻ തോ​പ്പു​ക​ളി​ൽ ആ​റ്റ​ക്കു​രു​വി​ക​ൾ (Baya weaver) കൂ​ടു​ക​ൾ നെ​യ്‌​തെ​ടു​ക്കാ​നു​ള്ള തി​ര​ക്കി​ലാ​ണ്. റോ​ഡി​നി​രു വ​ശ​വു​മു​ള്ള പോ​ത​പ്പു​ല്ലു​ക​ളി​ൽ ചു​ട്ടി​യാ​റ്റ​ക​ളും (scaly breasted munia) ഒ​ന്നു​ര​ണ്ട് താ​ലി​ക്കു​രു​വി​ക​ളും (Grey-breasted prinia) പാ​റി​ന​ട​ക്കു​ന്നു.
ഇ​നി ര​ണ്ടു​ഭാ​ഗ​ത്തും കാ​ടോ​ടു കൂ​ടി​യ ചു​ര​മാ​ണ്. ഒ​ന്നു​ര​ണ്ട് വ​ള​വു​ക​ൾ ക​ഴി​ഞ്ഞ​തോ​ടെ ഇ​ട​തു​ഭാ​ഗ​ത്താ​യി പോ​ത്തു​ണ്ടി ഡാ​മി​ന്റെ ഭം​ഗി ആ​സ്വ​ദി​ക്കാ​ൻ തു​ട​ങ്ങി. മ​ഴ​യെ വ​ര​വേ​ൽ​ക്കാ​നൊ​രു​ങ്ങി ഡാ​മി​ൽ വെ​ള്ളം കു​റ​വാ​യി​രു​ന്നു. എ​ങ്കി​ലും ആ​കാ​ശ​വും ചു​റ്റു​മു​ള്ള പ​ച്ച​പ്പു​ക​ളും ആ ​നീ​ല​ ജ​ലാ​ശ​യ​ത്തി​ൽ തെ​ളി​ഞ്ഞു​കാ​ണാം. വാ​ന​ര​ന്മാ​രും കി​ളി​ക​ളും തീ​റ്റ​തേ​ട​ലി​ലാ​ണ്. ചു​രം ചീ​വീ​ടി​ന്റെ ശ​ബ്ദ​ത്താ​ൽ മു​ഖ​രി​ത​വും. പ​ല​ത​രം കി​ളി​ക​ളു​ടെ കൊ​ഞ്ച​ലു​ക​ൾ ശ്ര​വ​ണ​ത്തെ സു​ഖി​പ്പി​ച്ചു. ഇ​ട​യ്ക്ക് ഭ​യ​പ്പെ​ടു​ത്തും​വി​ധം സിം​ഹ​വാ​ല​ൻ കു​ര​ങ്ങു​ക​ളു​ടെ (Lion-tailed macaque) മ്ം....​മ്ം ഉ​ച്ച​ത്തി​ലു​ള്ള ശ​ബ്ദം കേ​ൾ​ക്കാം. കാ​ടി​ന്റെ മ​ണ​വും ശ​ബ്ദ​വും മ​തി​യാ​വോ​ളം ആ​സ്വ​ദി​ച്ചു.

പ​ക്ഷി​ക​ളി​ൽ കൂ​ടു​ത​ൽ കാ​ണാ​നാ​യ​ത് ഇ​ര​ട്ട​ത്ത​ല​ച്ചി​ക​ളെ (Red whiskered bulbul) ആ​യി​രു​ന്നു. നാ​ട്ടു ബു​ൾ​ബു​ളു​ക​ളും (Red vented bulbul) ഉ​ണ്ടാ​യി​രു​ന്നു. ക​ഴി​ഞ്ഞ കാ​ല​ത്തെ മ​ണ്ണി​ടി​ച്ചി​ലി​ന്റെ ശേ​ഷി​പ്പു​ക​ൾ ചു​ര​ത്തി​ലു​ട​നീ​ളം കാ​ണാം. കു​റ​ച്ചു മു​ന്നോ​ട്ടു​പോ​യ​പ്പോ​ൾ ചെ​റി​യ വെ​ള്ള​ച്ചാ​ട്ടം ക​ൺ​വെ​ട്ട​ത്തി​ൽ. അ​തി​നി​രു​ഭാ​ഗ​ത്ത്് പാ​റ​ക്കെ​ട്ടു​ക​ളി​ൽ ര​ണ്ട് 'വ​ഴി​കു​ലു​ക്കി' (Grey wagtail) പ​ക്ഷി​ക​ളെ ക​ണ്ടു. റോ​ഡി​ന്റെ അ​രി​കു​വ​ശ​ങ്ങ​ളി​ലാ​യി ഇ​ര​തേ​ടു​ന്ന കാ​ട്ടു​കോ​ഴി​ക​ൾ (Grey junglefowl) ധാ​രാ​ളം. പൊ​ടു​ന്ന​നെ​യാ​ണ് വാ​ഹ​നം നി​ർ​ത്തി​യ​ത്. കൂ​ട്ട​ത്തി​ലൊ​രാ​ൾ ഇ​ട​തു​ഭാ​ഗ​ത്താ​യി ചെ​രു​വി​ലെ താ​ഴ്ച​യി​ൽ നി​ന്ന് വ​ള​ർ​ന്നു​വ​ന്ന മ​ര​ക്കൊ​മ്പി​ലേ​ക്ക് ചൂ​ണ്ടി​പ്പ​റ​ഞ്ഞു; കോ​ഴി​വേ​ഴാ​മ്പ​ൽ (Malabar hornbill)... കൂ​ടു​ത​ൽ​നേ​രം ക​ണ്ടി​രി​ക്കാ​ൻ ക​ഴി​ഞ്ഞി​ല്ല.

നി​രാ​ശ​യോ​ടെ വാ​ഹ​നം മു​ന്നോ​ട്ടെ​ടു​ക്കു​മ്പോ​ഴാ​ണ് ചൂ​ള​ക്കാ​ക്ക​ക​ളു​ടെ (Malabar whistling thrush) ചൂ​ള​മ​ടി കൂ​കു....​കൂ.....​ക്കൂ...​കൂ..... തൊ​ട്ട​പ്പു​റ​ത്തു​ള്ള മ​ര​ത്തി​ൽ ആ​റോ​ളം ല​ളി​ത പ​ക്ഷി​ക​ൾ (Fairy bluebird) കാ​യ്ക​ൾ ഭ​ക്ഷി​ക്കു​ന്നു​മു​ണ്ട്. കൂ​ടെ വെ​ള്ള​ക്ക​ണ്ണി കു​രു​വി (Oriental white eye), കു​ട്ടു​റു​വ​ൻ (White cheaked barbet), കാ​ട്ടി​ല​കി​ളി (Golden fronted leaf bird), മ​ഞ്ഞ​ത്തേ​ൻ​കി​ളി (Purple rumbed sunbird), കൊ​ക്ക​ൻ തേ​ൻ​കി​ളി (lotten's sunbird), തു​ന്നാ​ര​ൻ (common tailor bird), ചെ​മ്പു​കൊ​ട്ടി (Copper smith barbet), തീ​ചി​ന്ന​ൻ (Small miniv-et) എ​ന്നീ പ​ക്ഷി​ക​ളെ​യും അ​വി​ടെ കാ​ണാ​ൻ ക​ഴി​ഞ്ഞു. അ​രി​പ്രാ​വി​ന്റെ (Spotted dove) കു​റു​ക​ലു​ക​ൾ വ​ഴി​യി​ലു​ട​നീ​ളം കേ​ൾ​ക്കാ​മാ​യി​രു​ന്നു.

മു​ന്നോ​ട്ടു​ള്ള യാ​ത്ര തു​ട​ര​വെ വ്യൂ ​പോ​യി​ന്റി​നോ​ട് ചേ​ർ​ന്ന് ഒ​രാ​ൾ​ക്കൂ​ട്ട​വും നി​ർ​ത്തി​യി​ട്ട നി​ല​യി​ൽ ര​ണ്ട് ടെ​മ്പോ ട്രാ​വ​ല​റും ക​ണ്ടു. അ​വി​ടേ​ക്ക് എ​ത്തി​യ​പ്പോ​ൾ ക​ണ്ട​ത് വ​ലി​യ കാ​ട്ടു​പോ​ത്തി​നെ​യാ​ണ്. ആ​ളു​ക​ളു​ടെ ബ​ഹ​ളം കൂ​ടി​യ​പ്പോ​ൾ അ​തു മെ​ല്ലെ ഉ​ൾ​വ​ന​ത്തി​ലേ​ക്ക് ക​യ​റി​പ്പോ​യി. ഇ​ട​തു​ഭാ​ഗ​ത്ത് മ​ര​ങ്ങ​ളും കു​റ്റി​ക്കാ​ടു​ക​ളും നി​റ​ഞ്ഞ ചെ​ങ്കു​ത്താ​യ കൊ​ക്ക​യാ​ണ്. അ​തു​കൊ​ണ്ടു​ത​ന്നെ അ​വി​ടെ നി​ന്നു​കൊ​ണ്ട് നോ​ക്കി​യാ​ൽ കാ​ണു​ന്ന മ​ല​നി​ര​ക​ളി​ൽ ആ​ന, കാ​ട്ടു​പോ​ത്ത് എ​ന്നി​വ​യു​ടെ കൂ​ട്ട​ങ്ങ​ളെ കാ​ണാം. പ​രു​ന്തു​വ​ർ​ഗ​ത്തി​ൽ​പെ​ട്ട പ​ക്ഷി​ക​ളു​ടെ ഫോ​ട്ടോ എ​ടു​ക്കാ​നും തി​രി​ച്ച​റി​യാ​നും പ​റ്റി​യ സ്ഥ​ലം കൂ​ടി​യാ​ണി​വി​ടം.

വൈ​കു​ന്തോ​റും മ​ല​മു​ഴ​ക്കി​വേ​ഴാ​മ്പ​ലി​നെ കാ​ണാ​ൻ പ​റ്റി​യി​ല്ലെ​ങ്കി​ലോ? നേ​രം ക​ള​യാ​ൻ നി​ന്നി​ല്ല. വേ​ഗ​ത്തി​ൽ മു​ന്നോ​ട്ട്... മൂ​ന്ന് ഹെ​യ​ർ​പി​ൻ വ​ള​വു​ക​ൾ ക​ഴി​ഞ്ഞു​ള്ള കാ​ഴ്ച​യി​ൽ ര​ണ്ട് മ​ല​മു​ഴ​ക്കി വേ​ഴാ​മ്പ​ലു​ക​ൾ (Great hornbill) മ​ല​ഞ്ചെ​രു​വി​ലെ മ​ര​ത്തി​ലി​രി​ക്കു​ന്നു. മ​റ്റു ര​ണ്ടു പ​ക്ഷി​ക​ൾ കൊ​മ്പി​ൽ​നി​ന്ന് മ​റ്റൊ​രു കൊ​മ്പി​ലേ​ക്ക് ചാ​ടി​മ​റ​യു​ന്നു. അ​തി​നി​ട​യ്ക്ക് കൂ​ട്ട​ത്തി​ലൊ​രു​വ​ൻ പ​റ​ഞ്ഞു; ആ ​പ​ക്ഷി​ക​ൾ മ​റു​ഭാ​ഗ​ത്തു​ള്ള ചെ​രു​വി​ലേ​ക്ക് പ​റ​ക്കാ​ൻ സാ​ധ്യ​ത​യു​ണ്ടെ​ന്ന്. അ​തു​കേ​ട്ട​തും നാ​ലു​പേ​രും പ​റ​ക്കു​ന്ന പ​ട​മെ​ടു​ക്കാ​ൻ ത​യാ​റാ​യി. ആ ​നി​മി​ഷാ​ർ​ധ​ത്തി​ലൊ​രൊ​റ്റ ക്ലി​ക്ക്. കാ​മ​റ​ക്ക​ണ്ണു​ക​ൾ ഇ​ട​വി​ടാ​തെ ചി​മ്മി​ത്തു​റ​ന്നു. തൊ​ട്ടു​പി​ന്നാ​ലെ ര​ണ്ടാ​മ​ത്തെ പ​ക്ഷി​യും. തൊ​ട്ട​പ്പു​റ​ത്ത് കു​റി​ക്ക​ണ്ണ​ൻ കാ​ട്ടു​പു​ള്ള് (Orange headed thrush) ത​ന്റെ ഇ​ണ​യെ ആ​ക​ർ​ഷി​ക്കാ​നെ​ന്ന​പോ​ലെ മ​ധു​ര​മാ​യി പാ​ടു​ന്നു.

കു​റ്റി​ച്ചെ​ടി​ക​ൾ​ക്കി​ട​യി​ൽ നി​ന്ന് ചെ​ഞ്ചി​ല​പ്പ​ൻ (Rufous babler) പ​ക്ഷി​ക​ളു​ടെ ക​ല​പി​ല ശ​ബ്ദം കേ​ൾ​ക്കു​ന്നു. ആ​ള​ന​ക്ക​മു​ണ്ടാ​യാ​ൽ ഇ​വ കു​റ്റി​ച്ചെ​ടി​ക​ൾ​ക്കി​ട​യി​ൽ നി​ന്ന് പു​റ​ത്തു​വ​രാ​റി​ല്ല. ഇ​വി​ടെ കാ​ണാ​ൻ ക​ഴി​ഞ്ഞ​തും ന​മ്മു​ടെ നാ​ട്ടി​ൻ​പു​റ​ങ്ങ​ളി​ൽ സാ​ധാ​ര​ണ കാ​ണാ​ൻ ക​ഴി​യു​ന്ന​തു​മാ​യ പൂ​ത്താ​ങ്കീ​രി​യോ​ടും (Yellow billled babler) ക​രി​യി​ല​ക്കി​ളി​യോ​ടും (Jungle babler) സാ​മ്യ​മു​ള്ള​താ​ണ് ചെ​ഞ്ചി​ല​പ്പ​ൻ പ​ക്ഷി.

യാ​ത്ര നി​ർ​ത്തി​യും മു​ന്നോ​ട്ടു​പോ​യും തുട​രു​ന്നു. പ​ര​ന്നു​കി​ട​ക്കു​ന്ന തേ​യി​ല​ത്തോ​ട്ട​ങ്ങ​ൾ, ഇ​ട​യ്ക്ക് കാ​പ്പി​ത്തോ​ട്ട​വും. പോ​കു​ന്ന റോ​ഡി​ലു​ട​നീ​ളം വാ​ക​മ​ര​ങ്ങ​ൾ മ​നോ​ഹ​ര​മാ​യി പൂ​ത്തു​നി​ൽ​ക്കു​ന്നു. വ​ഴി​യ​രി​കി​ൽ കാ​യ്ച്ചു​നി​ൽ​ക്കു​ന്ന പ്ലാ​വു​ക​ളി​ൽ ച​ക്ക​യ്ക്കു വേ​ണ്ടി കു​ര​ങ്ങു​ക​ൾ തി​ര​ക്കു​കൂ​ട്ടു​ന്നു. കൂ​ടു​ത​ലും നാ​ട​ൻ കു​ര​ങ്ങു​ക​ൾ (Bonnet macaque) ആ​ണ്. ഇ​ട​യ്ക്കി​ടെ കാ​ട്ടു​മൈ​ന (Hill myna)ക​ളു​ടെ ഉ​ച്ച​ത്തി​ലു​ള്ള ശ​ബ്ദം കേ​ൾ​ക്കാം. ചി​ല ഭാ​ഗ​ങ്ങ​ളി​ലാ​യി​ട്ട് തേ​യി​ല​ത്തോ​ട്ട​ങ്ങ​ളി​ൽ കീ​ട​നാ​ശി​നി ഉ​പ​യോ​ഗി​ച്ച​തി​ന്റെ സൂ​ച​നാ ബോ​ർ​ഡു​ക​ൾ കാ​ണാം. റോ​ഡ​രി​കി​ലു​ള്ള വേ​ലി​ക്ക​ല്ലു​ക​ളി​ലും മ​ര​ക്കു​റ്റി​ക​ളി​ലും ചു​റ്റീ​ന്ത​ൽ കി​ളി (Pied buschat), മ​ണ്ണാ​ത്തി​പ്പു​ള്ള് (Oriental magpie robin), ത​വി​ട​ൻ ഷ്രൈ​ക്ക് (Brown shrike), വൈ​ദ്യു​തി ക​മ്പി​ക​ളി​ലാ​യി വ​ര​യ​ൻ​ക​ത്രി​ക​ളെ​യും (Red rumbed swallow) കാ​ണാ​ൻ ക​ഴി​ഞ്ഞു. ദൂ​രെ നീ​ലാ​കാ​ശ​ത്തി​നു താ​ഴെ ഒ​രു ക​രി​പ്പ​രു​ന്ത് (Black eagle) വ​ട്ട​മി​ട്ടു ഉ​യ​ർ​ന്നും താ​ഴ്ന്നും പ​റ​ക്കു​ന്നു. കൂ​ടെ ആ​ന​റാ​ഞ്ചി (Black drongo)യും.

​ഇ​നി പോ​കേ​ണ്ട​ത് ഇ​ടു​ങ്ങി​യ റോ​ഡി​ലൂ​ടെ​യാ​ണ്. പൊ​ടു​ന്ന​നെ തോ​ട്ട​ത്തി​ലൊ​രി​ള​ക്കം. ഈ ​മ​ര​ങ്ങ​ളെ​ല്ലാം ത​ന്നെ തേ​യി​ല​ത്തോ​ട്ട​ങ്ങ​ൾ​ക്കി​ട​യി​ലാ​ണ്. നി​ര​നി​ര​യാ​യി നി​ൽ​ക്കു​ന്ന മ​ര​ങ്ങ​ളു​ടെ താ​ഴ്ഭാ​ഗ​ത്താ​യി തോ​ട് ഒ​ഴു​കു​ന്നു​ണ്ട്. പെ​ട്ടെ​ന്ന് കാ​പ്പി​ത്തോ​ട്ട​ത്തി​ലൊ​രു ഇ​ള​ക്കം. പ​ത്തോ​ളം വ​രു​ന്ന മ്ലാ​വി​ൻ​കൂ​ട്ടം (Sambar deer) . ഈ ​ഭാ​ഗ​ത്താ​ണ് മ​ല​മു​ഴ​ക്കി വേ​ഴാ​മ്പ​ലു​ക​ളെ (Great hornbill) സാ​ധാ​ര​ണ കാ​ണാ​റു​ള്ള​ത്.

ഒ​രു വ​ള​വു​കൂ​ടി തി​രി​ഞ്ഞു മു​ന്നോ​ട്ടു​പോ​യ​പ്പോ​ൾ തൊ​ട്ട​ടു​ത്ത മ​ര​ത്തി​ൽ ഞ​ങ്ങ​ളെ ക​ണ്ടി​ട്ടെ​ന്ന​പോ​ലെ മ​ല​യ​ണ്ണാ​ൻ (Indian giant squirrel) മു​ക​ളി​ലേ​ക്ക് ക​യ​റി​പ്പോ​കു​ന്നു. മ​റ്റൊ​രി​ട​ത്ത് ഒ​രു​പാ​ടു​പേ​ർ കൂ​ടി​നി​ൽ​ക്കു​ന്നു. വാ​ഹ​നം പ​തു​ക്കെ ഒ​തു​ക്കി​നി​ർ​ത്തി. അ​വ​രെ​ല്ലാം തൊ​ട്ട​ടു​ത്ത വ​ലി​യ മ​ര​ത്തി​ലേ​ക്ക് കാ​മ​റ​യും ചൂ​ണ്ടി നി​ൽ​ക്കു​ന്നു. ആ ​ഒ​രൊ​റ്റ നി​മി​ഷ​ത്തി​നു വേ​ണ്ടി​യു​ള്ള കാ​ത്തി​രി​പ്പാ​യി​രു​ന്നു ഇ​തു​വ​രെ​യും. പ​ക്ഷി​പ്രേ​മി​ക​ളു​ടെ സ്വ​പ്‌​ന​നി​മി​ഷം. മ​ല​മു​ഴ​ക്കി വേ​ഴാ​മ്പ​ൽ മ​ര​ത്തി​ലി​രി​ക്കു​ന്ന​ത് എ​ത്ര​ക​ണ്ടാ​ലും വീ​ണ്ടും നോ​ക്കി​നി​ന്നു​പോ​കു​ന്ന മ​നോ​ഹ​ര കാ​ഴ്ച. കു​ഞ്ഞു വേ​ഴാ​മ്പ​ലി​നൊ​പ്പം അ​മ്മ​യു​മ​ച്ഛ​നു​മു​ണ്ട്. കു​ഞ്ഞി​നു വേ​ണ്ടി​യ​വ​ർ പ​ഴ​ങ്ങ​ൾ കൊ​ക്കി​ലൊ​തു​ക്കി വാ​യി​ലേ​ക്ക് വ​ച്ചു​കൊ​ടു​ക്കു​ന്നു. ആ ​വ​ലി​യ മ​ര​ത്തി​ൽ കു​ഞ്ഞു വേ​ഴാ​മ്പ​ലി​നെ ന​ന്നാ​യി കാ​ണാ​ൻ ക​ഴി​ഞ്ഞു. സാ​ധാ​ര​ണ പ​ക്ഷി​ക​ളി​ൽ​നി​ന്ന് വ​ലി​യ പ​ക്ഷി​ക​ളാ​ണ് മ​ല​മു​ഴ​ക്കി​ക​ൾ. പൂ​ർ​ണ വ​ള​ർ​ച്ച​യെ​ത്തി​യ വേ​ഴാ​മ്പ​ലി​നു മീ​റ്റ​റും ചി​റ​കു വി​ട​ർ​ത്തി​യാ​ൽ ഒ​ന്ന​ര മീ​റ്റ​റോ​ളം നീ​ള​വു​മു​ണ്ടാ​വും. കാ​മ​റ റെ​ഡി​യാ​ക്കി കു​ഞ്ഞു വേ​ഴാ​മ്പ​ലി​ന്റെ പ​ട​മെ​ടു​ക്കാ​ൻ തു​ട​ങ്ങി. കു​റ​ച്ചു നി​മി​ഷ​ങ്ങ​ൾ ക​ഴി​ഞ്ഞ​തും ഹെ​ലി​കോ​പ്റ്റ​ർ പ​റ​ക്കും​പോ​ലു​ള്ള ശ​ബ്ദം... ശ​ക്ത​മാ​യി ചി​റ​ക​ടി​ച്ചു​കൊ​ണ്ട് മ​റ്റൊ​രു വേ​ഴാ​മ്പ​ൽ തൊ​ട്ട​ടു​ത്തു​ള്ള മ​ര​ത്തി​ലേ​ക്ക് പ​റ​ന്നു. തൊ​ട്ടു​പി​റ​കെ കു​ഞ്ഞും അ​മ്മ​യും. കാ​മ​റ​ക​ൾ മി​ന്നി. ആ ​കാ​ഴ്ച ക​ണ്ണി​മ​വെ​ട്ടാ​തെ നോ​ക്കി​നി​ന്നു.
തി​രി​ച്ചി​റ​ങ്ങാ​നു​ള്ള സൂ​ച​ന ന​ൽ​കി​ക്കൊ​ണ്ട് കാ​റ്റി​ന് ത​ണു​പ്പേ​റി​വ​രി​ക​യാ​ണ്. നെ​ല്ലി​യാ​മ്പ​തി​യു​ടെ സൗ​ന്ദ​ര്യം ആ​സ്വ​ദി​ച്ചും പ​ക്ഷി​ക​ളെ ക​ൺ​കു​ളി​ർ​ക്കെ ക​ണ്ടും കോ​ട​മ​ഞ്ഞി​നെ ത​ലോ​ടി പ​ച്ച​പു​ത​ച്ചു​റ​ങ്ങു​ന്ന മ​ല​നി​ര​ക​ൾ തി​രി​ച്ചി​റ​ങ്ങു​മ്പോ​ൾ ഞ​ങ്ങ​ളെ​ല്ലാ​വ​രും മ​ന​സു​കൊ​ണ്ട് അ​വി​ടെ ത​ന്നെ​യാ​യി​രു​ന്നു. നെ​ല്ലി​യാ​മ്പ​തി​യി​ലേ​ക്കു​ള്ള ഓ​രോ യാ​ത്ര​യും വ്യ​ത്യ​സ്ത ഓ​ർ​മ​ക​ളാ​യി​രി​ക്കും. കാ​റി​ലെ ബാ​ല​ച​ന്ദ്ര​ൻ ചു​ള്ളി​ക്കാ​ടി​ന്റെ ‘സ​ന്ദ​ർ​ശ​നം’ എ​ന്ന ക​വി​ത കേ​ട്ട​ങ്ങ​നെ മ​യ​ങ്ങി​പ്പോ​യി.
•