ആലക്കോട്: തേര്‍ത്തല്ലിയിലെ മലഞ്ചരക്ക് കടയില്‍ പട്ടാപ്പകല്‍ മോഷണം. മേശവലിപ്പില്‍ സൂക്ഷിച്ചിരുന്ന ഒന്നര ലക്ഷത്തോളം രൂപ മോഷണം പോയി. ഇന്നലെ ഉച്ചക്ക് 12 നും രണ്ടിനും ഇടക്കാണ് മോഷണം നടന്നത്. തേര്‍ത്തല്ലി സ്വദേശി മൈലാടൂര്‍ ജോസിന്റെ ഉടമസ്ഥതയിലുള്ളതാണ് സ്ഥാപനം. ഊണു കഴിക്കാനായി ജോസ് പോയ സമയത്താണ് മേശയുടെ താക്കോല്‍ ഉപയോഗിച്ച് മോഷ്ടാവ് പണം കവര്‍ന്നത്. സാധാരണ ചുമട്ടുതൊഴിലാളികള്‍ ഈ ഭാഗത്ത് ഉണ്ടാകാറുണ്ടെങ്കിലും ഇന്ന് മറ്റൊരു ഭാഗത്തായത് മോഷ്ടാവിന് ഗുണമായി. ജോസിന്റെ പരാതിയില്‍ ആലക്കോട് പൊലിസ് സ്ഥലത്തെത്തി അന്വേഷണം നടത്തി.