പാനൂര്‍: ഫാസിസത്തിനും രാഷ്ട്രീയ അക്രമങ്ങള്‍ക്കുമെതിരെ ജനങ്ങള്‍ ഒറ്റക്കെട്ടായി മുന്നോട്ടുവരണമെന്ന് പാണക്കാട് ഹമീദലി ശിഹാബ് തങ്ങള്‍ പറഞ്ഞു. പാറാട് ശിഹാബ് തങ്ങള്‍ നഗറില്‍ നടന്ന പൊതുസമ്മേളനത്തില്‍ മുസ്‌ലിം ലീഗ് പാറാട് ഏരിയാ കമ്മിറ്റി നിര്‍മിച്ച ബൈത്തുല്‍ റഹ്മയുടെ താക്കോല്‍ പാലിലാണ്ടി പൊക്കിക്ക് നല്‍കിയ ശേഷം സംസാരിക്കുകയായിരുന്നു അദ്ദേഹം. ഏരിയ ലീഗ് പ്രസിഡണ്ട് പി.പി സൂപ്പി ഹാജി അധ്യക്ഷനായി. ബൈത്തുറഹ്മ നിര്‍മാണ കമ്മിറ്റി ചെയര്‍മാന്‍ വി.വി കുഞ്ഞബ്ദുള്ളയെ തങ്ങള്‍ പൊന്നാട അണിയിച്ചു. കണ്ണങ്കോട് ശാഖ മുസ്‌ലിം ലീഗ് കമ്മിറ്റി നിര്‍മിക്കാനുദ്ദേശിക്കുന്ന ബൈത്തുറഹ്മയുടെ പ്രഖ്യാപനം പ്രസിഡണ്ട് ടി.ടി കുഞ്ഞമ്മത് ഹാജിയില്‍ നിന്നും ഫണ്ട് സ്വീകരിച്ചു കൊണ്ട് തങ്ങള്‍ നിര്‍വഹിച്ചു. യൂത്ത് ലീഗ് വകയുള്ള  നിലവിളക്ക് എം.പി.ഷാജഹാന്‍ ലബ്ബ പൊക്കിക്ക് നല്‍കി. കെ.എം ഷാജി എം.എല്‍.എ മുഖ്യ പ്രഭാഷണം നടത്തി. കൂത്തുപറമ്പ് മണ്ഡലം മുസ്‌ലിം ലീഗ് പ്രസിഡന്റ് പൊട്ടങ്കണ്ടി അബ്ദുള്ള, പി.പി.എ ഹമീദ്, അന്‍സാരി തില്ലങ്കേരി, കെ.പി മൂസഹാജി, ടി.എം നാസര്‍, വി.വി കുഞ്ഞബ്ദുള്ള, ടി.പി അബൂബക്കര്‍, മുജീബ് കൊമ്പന്‍ പ്രസംഗിച്ചു. സായാഹ്ന സംഗമം മരുന്നന്‍ യൂസഫ് ഹാജിയുടെ അധ്യക്ഷതയില്‍ ആര്‍ അബ്ദുള്ള  ഉദ്ഘാടനം ചെയ്തു. ആലിക്കോയ വെട്ടം മുഖ്യ പ്രഭാഷണം നടത്തി. മുന്‍മന്ത്രി കെ.പി മോഹനന്‍, യൂത്ത്‌ലീഗ് ജില്ലാ പ്രസിഡന്റ് നസീര്‍ പുത്തൂര്‍, ഖദീജ തെക്കയില്‍, പി.കെ അനീഷ്, സി.എച്ച് മൂസഹാജി, നാസര്‍ കാണാമ്പത്ത്, കെ.കെ ഷാജഹാന്‍, സാദിഖ് പാറാട് പ്രസംഗിച്ചു.