HOME
DETAILS

യോഗി മന്ത്രിസഭയിലെ 22 പേര്‍ ക്രിമിനല്‍ കേസ് പ്രതികള്‍

  
backup
March 27 2022 | 06:03 AM

national-yogi-adityanaths-22-up-ministers-face-criminal-cases-2022

ലഖ്‌നോ: യു.പിയില്‍ യോഗി മന്ത്രിസഭയിലെ 22 പേര്‍ ക്രിമിനല്‍ കേസ് പ്രതികള്‍. ഇതില്‍ ഭൂരിപക്ഷം പേര്‍ക്കുമെതിരെ ഗുരുതരമായ കുറ്റകൃത്യങ്ങളാണ് നിലവിലുള്ളത്. തെരഞ്ഞെടുപ്പ് അവകാശ സംഘടന എ.ഡി.ആറാണ് ഇതുസംബന്ധിച്ച കണക്കുകള്‍ പുറത്തുവിട്ടത്. 45 മന്ത്രിമാരുടെ വിവരങ്ങള്‍ പരിശോധിച്ചതിലാണ് 22 പേര്‍ക്കെതിരെ കേസുള്ളത് കണ്ടെത്തിയത്.

മന്ത്രിമാരില്‍ 49 ശതമാനം ക്രിമിനല്‍ കേസുകളില്‍ പ്രതിയാണ്. ഇതില്‍ 44 ശതമാനം പേര്‍ക്കെതിരെ ഗുരുതര കുറ്റകൃത്യമാണ് നിലവിലുള്ളത്. മന്ത്രിമാരില്‍ 87 ശതമാനം കോടിപതികളാണ്. ഒമ്പത് കോടിയാണ് യു.പി മന്ത്രിസഭയിലെ മന്ത്രിമാരുടെ ശരാശരി ആസ്തി.

മായങ്കേശ്വര്‍ ശരണ്‍ സിങാണ് ആസ്തിയില്‍ ഒന്നാമത്. 58.07 കോടിയാണ് അദ്ദേഹത്തിന്റെ ആസ്തി. എംഎല്‍.സിയയ ധര്‍മ്മവീര്‍ സിങ്ങിനാണ് ഏറ്റവും കുറവ് സ്വത്തുള്ളത്. 42.91 ലക്ഷം രൂപയുടെ ആസ്തിയാണ് അദ്ദേഹത്തിനുള്ളത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."