പെരിന്തല്‍മണ്ണ: പാണക്കാട് പൂക്കോയ തങ്ങള്‍ മെമ്മോറിയല്‍ ഗവ.കോളജിലെ മൂന്നാം വര്‍ഷ അറബിക് വിദ്യാര്‍ഥി സാദിഖിനെ പെരിന്തല്‍മണ്ണ നഗര മധ്യത്തില്‍ എസ്.എഫ്.ഐ, ഡി.വൈ.എഫ്.ഐ പ്രവര്‍ത്തകര്‍ അക്രമിച്ചെന്നു പരാതി.
കോളജ് യൂനിറ്റ് എം.എസ്.എഫ് ഭാരവാഹിയായ സാദിഖ് ഷട്ടില്‍ കളിക്കാനായി വെള്ളിയാഴ്ച വൈകീട്ട് അഞ്ചരയോടെ പെരിന്തല്‍മണ്ണ കോഴിക്കോട് റോഡിലുള്ള കോസ്‌മോ പൊളിറ്റന്‍ ക്ലബ്ബില്‍ എത്തിയപ്പോഴാണു പുറത്തേക്ക് വിലിച്ചിറക്കി അക്രമിച്ചത്. അവശ നിലയിലായ സാദിഖിനെ പെരിന്തല്‍മണ്ണ ജില്ലാ ആസ്പത്രിയില്‍ പ്രവേശിപ്പിച്ചു. എന്നാല്‍ കാലങ്ങളായി യു.ഡി.എസ്.എഫ് മേധാവിത്തമുള്ള പി.ടി.എമ്മില്‍ ഭരണ മാറ്റത്തിന്റെ ഹുങ്കില്‍ അക്രമം അഴിച്ചു വിട്ട് കോളജ് യൂനയന്‍ പിടിച്ചടക്കാനുള്ള കുതന്ത്രങ്ങളാണ് എസ്.എഫ്.ഐ, ഡി.വൈ.എഫ്.ഐയുടെ നേതൃത്വത്തില്‍ മെനയുന്നതെന്ന് മണ്ഡലം എം.എസ്.എഫ് കമ്മിറ്റി ആരോപിച്ചു. പൊലിസില്‍ പരാതി നല്‍കി.