മലപ്പുറം: കഴിഞ്ഞ  സര്‍ക്കാറിന്റെ കാലത്തു ഹയര്‍ സെക്കന്‍ഡറി മേഖലയുമായി  ബന്ധപ്പെട്ട് എടുത്ത്  കാബിനറ്റ് തീരുമാനങ്ങള്‍ ഉത്തരവാക്കി ഇറക്കാതെ തടഞ്ഞു വെക്കുന്ന ഗവണ്‍മെന്റ്  സമീപനത്തിനെതിരായി കേരള ഹയര്‍ സെക്കന്‍ഡറി സ്‌കൂള്‍ ടീച്ചേഴ്‌സ് യൂനിയന്‍  പ്രക്ഷോഭത്തിനൊരുങ്ങുന്നു. 21 നു നടക്കുന്ന ആര്‍ഡിഡി(റീജ്യനല്‍ ഡെപ്യൂട്ടി  ഡയറക്ടര്‍,ഹയര്‍സെക്കഡറി) ഓഫിസ് മാര്‍ച്ചിനു മുന്നോടിയായി 20നു  മലപ്പുറത്ത് പ്രക്ഷോഭ സംഗമം സംഘടിപ്പിക്കും. സംഗമം സംസ്ഥാന പ്രസിഡന്റ് കെ.ടി  അബ്ദുല്‍ ലത്തീഫ് ഉദ്ഘാടനം ചെയ്യും. ഇതുമായി ബന്ധപ്പെട്ടു ചേര്‍ന്ന കമ്മിറ്റി  യോഗത്തില്‍ ജില്ലാ പ്രസിഡന്റ് വി.പി അബ്ദുല്‍ സലീം അധ്യക്ഷനായി.