തിരുവനന്തപുരം: സംസ്ഥാനത്ത് എസ്.എസ്.എല്‍.സി പരീക്ഷ ഇന്ന് തുടങ്ങും. രാവിലെ 9.45 മുതല്‍ 11.30 വരെയാണ് പരീക്ഷാ സമയം. ഇന്ന് മലയാളം ഉള്‍പ്പെടെയുള്ള ഒന്നാം ഭാഷകളുടെ പരീക്ഷയാണ് നടക്കുക.

പ്രൈവറ്റ് വിഭാഗത്തില്‍ 408 ഉം റെഗുലര്‍ വിഭാഗത്തില്‍ 4,26, 999 വിദ്യാര്‍ത്ഥികളുമാണ് ഇക്കുറി എസ്എസ്എല്‍സി പരീക്ഷ എഴുതുന്നത്. ആകെ 4,27,407 പേര്‍. 2962 സെന്ററുകളാണ് പരീക്ഷയ്ക്ക് തയ്യാറാക്കിയത്.

ഏപ്രില്‍ 29ന് പരീക്ഷകള്‍ അവസാനിക്കും. മെയ് 3 മുതല്‍ 10 വരെയാണ് ഐടി പ്രാക്ടിക്കല്‍ പരീക്ഷ.

കൊവിഡ് മാനദണ്ഡങ്ങളെല്ലാം പാലിച്ചാണ് പരീക്ഷ. മാസ്‌കും സാനിട്ടെസറും നിര്‍ബന്ധമാണ്. താപനില പരിശോധിച്ച ശേഷമാണ് പരീക്ഷ ഹാളിലേക്ക് പ്രവേശിപ്പിക്കുക.