കോഴിക്കോട്: റിയാദില്‍ നിന്ന് കരിപ്പൂരിലേക്ക് വന്ന എയര്‍ ഇന്ത്യ എക്സ് പ്രസ് വിമാനം അടിയന്തരമായി നെടുമ്പാശ്ശേരി വിമാനത്താവളത്തില്‍ ഇറക്കി. പുലര്‍ച്ചെ 3.10 നാണ് സംഭവം. സാങ്കേതിക തകരാറിനെത്തുടര്‍ന്നാണ് വിമാനം അടിയന്തരമായി ഇറക്കിയത്.

പറക്കുന്നതിനിടയിലാണു പൈലറ്റിനു ടയര്‍ തകരാറിലായ വിവരം ബോധ്യപ്പെട്ടത്. കരിപ്പൂരില്‍ ഇറങ്ങാന്‍ അരമണിക്കൂര്‍ ബാക്കി നില്‍ക്കെയാണ് വിമാനം നെടുമ്പാശ്ശേരിയില്‍ ഇറക്കിയത്.

വിമാനത്തിലുണ്ടായിരുന്ന യാത്രക്കാരെ മറ്റൊരു വിമാനത്തില്‍ കരിപ്പൂരിലേക്ക് എത്തിച്ചു.