കുട്ടിക്കാലത്തെ ഓർമ്മകൾ തിരിച്ചു നൽകാനുള്ള ശ്രമത്തിലാണ് സോണി കമ്പനി. മൊബൈൽ ഫോണുകൾ സജീവമാകുന്നതിന് വർഷങ്ങൾക്ക് മുൻപ് ആളുകൾ സാധാരണയായി ഉപയോഗിച്ചിരുന്ന ഒന്നായിരുന്നു വാക്ക്മാൻ. യാത്രകളിലും മറ്റും പാട്ടുകൾ കേൾക്കാൻ ഉപയോഗിച്ചിരുന്ന വാക്ക്മാൻ തിരികെ എത്തിച്ചിരിക്കുകയാണ് സോണി. എന്നാൽ ആളല്പം ചെലവേറിയതാണ്.

സോണിയുടെ ആന്‍ഡ്രോയിഡില്‍ പ്രവര്‍ത്തിക്കുന്ന ഏറ്റവും പുതിയ വാക്മാന് 69,990 രൂപയാണ് വില. എന്‍ഡബ്ല്യു-സെഡെക്‌സ്707
എന്ന സീരീസ് വാക്ക്മാൻ ഇന്ത്യൻ വിപണികളിലെത്തി. ക്ലാസിക് ബ്ലാക്ക് ആൻഡ് ഗോൾഡ് വേരിയന്റിലാണ് വാക്മാൻ പുറത്തിറക്കിയിരിക്കുന്നത്. വാക്മാന്‍ എന്‍ഡബ്ല്യു-സെഡെക്‌സ്707 ഉപകരണം 5 ഇഞ്ച് ഡിസ്പ്ലേയുള്ള പ്രീമിയം ഡിസൈനാണ് അവതരിപ്പിക്കുന്നത്. ഡിവൈസിൽ ഒരു ഡിഎസ്ഡി റീമാസ്റ്ററിങ് എൻജിനും ഉണ്ട്.

ഹെഡ്‌ഫോണ്‍ സോണ്‍ വഴി മാത്രമായിരിക്കും ഇത് വില്‍ക്കുക എന്നാണ് കേള്‍ക്കുന്നത്. വക്രീകരണമില്ലാത്ത ശബ്ദവും മറ്റനവധി ഓഡിയോ ഫീച്ചറുകളും ഉള്‍ക്കൊള്ളിച്ച ഈ പ്രീമിയം ഉപകരണത്തിന് 25 മണിക്കൂര്‍ ബാറ്ററി ലൈഫ് കിട്ടുമെന്ന് കമ്പനി പറയുന്നു.

വാക്മാന്‍ എന്‍ഡബ്ല്യു-സെഡെക്‌സ്707 ഉപയോഗിച്ച് ആധുനിക സാങ്കേതിക വിദ്യകൾക്കൊപ്പം ഒരു പരമ്പരാഗത വാക്മാന്റെ നിലവാരം നിലനിർത്താൻ സോണിക്ക് കഴിഞ്ഞു. 5 ഇഞ്ച് ഡിസ്‌പ്ലേ, ഹൈ-റെസ് ഓഡിയോ വയർലെസ് ഉള്ള ശബ്‌ദ പ്രോസസ്സിങ്, 25 മണിക്കൂർ വരെ ബാറ്ററി ലൈഫ് എന്നിവയാണ് പ്രധാന ഫീച്ചറുകൾ