തിരുവനന്തപുരം: മുഖ്യമന്ത്രി പിണറായി വിജയനും നടൻ മോഹൻലാലുമായുള്ള അഭിമുഖം 'കണ്ടും മിണ്ടിയും' ഇരുവർ ഇന്ന് പുറത്തിറങ്ങും. വൈകിട്ട് ചാനലുകളിലും സാമൂഹിക മാധ്യമ പേജുകളിലും അഭിമുഖം റിലീസ് ചെയ്യും. നിയമസഭാ തെരഞ്ഞെടുപ്പ് അടുത്തിരിക്കെ സർക്കാരിന്റെ പിആർ ഡിപ്പാർട്ട്‌മെന്റാണ് അഭിമുഖം നിർമിച്ചത്.  രണ്ട് ദിവസമെടുത്ത്, ക്ലിഫ് ഹൗസിൽ വെച്ചാണ് അഭിമുഖം ചിത്രീകരിച്ചത്. 

കഴിഞ്ഞ ദിവസം പുറത്തിറങ്ങിയ അഭിമുഖത്തിന്റെ ടീസർ വലിയ ചർച്ചയായിരുന്നു. സിപിഎമ്മിന്റെ തെരഞ്ഞെടുപ്പ് സ്റ്റണ്ടായാണ് പലരും അഭിമുഖത്തെ വിലയിരുത്തുന്നത്. മുഖ്യമന്ത്രിയുടെ രാഷ്ട്രീയ ജീവിതവും വ്യക്തി ജീവിതവുമാണ് ഉള്ളടക്കമെന്നാണ് ടീസർ നൽകുന്ന സൂചന. സംവിധായകൻ ടി കെ രാജീവ്‌ കുമാർ ഉൾപ്പെടെയുള്ളവരാണ് അഭിമുഖം ഒരുക്കിയത്. ലോക്സഭാ തെര‍ഞ്ഞെടുപ്പിന് മുന്നോടിയായി പ്രധാനമന്ത്രി നരേന്ദ്ര മോദി ബോളിവുഡ് നടൻ അക്ഷയ് കുമാറുമായി നടത്തിയ അഭിമുഖവുമായി താരതമ്യപ്പെടുത്തിയാണ് വിമർശനങ്ങൾ ഉയരുന്നത്. 

ALSO READ: 'പുനരധിവാസം ഉറപ്പാക്കാതെ ഒഴിപ്പിക്കരുത്'; ഹല്‍ദ്വാനിയിലെ അരലക്ഷം പേര്‍ക്ക് ആശ്വാസമായി സുപ്രിംകോടതി വിധി; വീണ്ടും ജയിച്ച് ജംഇയ്യത്തുല്‍ ഉലമായെ ഹിന്ദിന്റെ നിയമയുദ്ധം

എന്നാൽ ലാലും പിണറായിയും തമ്മിലുള്ള വ്യക്തിബന്ധമാണ് അഭിമുഖത്തിന് പിന്നിൽ എന്നാണ് സിപിഎം മറുപടി. പ്രതിപക്ഷ നേതാവായിരിക്കെ ഇരുവർ എന്ന പേരിൽ ഉമ്മൻ ചാണ്ടിയും മോഹൻലാലുമായുള്ള അഭിമുഖം ജയ്‌ഹിന്ദ്‌ ടി വി ഇന്നലെ വീണ്ടും സംപ്രേഷണം ചെയ്തിരുന്നു

chief minister pinarayi vijayan and actor mohanlal interview will release today