മലപ്പുറം: സമസ്ത കേരള ജംഇയ്യതുൽ മുദരിസീൻ സംസ്ഥാന പരീക്ഷാ ബോർഡ് ജനുവരി 3, 4 തീയതികളിൽ നടത്തിയ ദർസ് വാർഷിക പൊതുപരീക്ഷയുടെ ഫലം പ്രഖ്യാപിച്ചു. ഇബ്തിദാഇയ്യ, മുതവസ്സിത, ആലിയ എന്നീ മൂന്ന് വിഭാഗങ്ങളിലായാണ് പൊതുപരീക്ഷ നടന്നത്. സംസ്ഥാനത്തെ വിവിധ ജില്ലകളിൽ നിന്നായി 4952 പേർ പങ്കെടുത്തു. ഇതിൽ 4351 (87.86 ശതമാനം) പേർ വിജയം കരസ്ഥമാക്കി. ആകെ വിജയിച്ചവരിൽ 66 പേർ ടോപ് പ്ലസും, 374 പേർ ഡിസ്റ്റിങ്ഷനും 725 പേർ ഫസ്റ്റ് ക്ലാസും 548 പേർ സെക്കൻഡ് ക്ലാസും, 2638 പേർ തേർഡ് ക്ലാസും കരസ്ഥമാക്കി. ഇബ്തിദാഇയ്യ വിഭാഗത്തിൽ 46 പേർ ടോപ് പ്ലസും 274 പേർ ഡിസ്റ്റിങ്ഷനും 447 പേർ ഫസ്റ്റ് ക്ലാസും 311 പേർ സെക്കൻഡ് ക്ലാസും 1224 പേർ തേർഡ് ക്ലാസും നേടി. മുതവസ്സിത വിഭാഗത്തിൽ 4 പേർ ടോപ് പ്ലസും 63 പേർ ഡിസ്റ്റിങ്ഷനും 208 പേർ ഫസ്റ്റ് ക്ലാസും 162 പേർ സെക്കൻഡ് ക്ലാസും, 1000 പേർ തേർഡ് ക്ലാസും കരസ്ഥമാക്കി.

ALSO READ: പുത്തനങ്ങാടി മസ്ജിദ്; രക്തസാക്ഷികളുറങ്ങുന്ന ഭൂമി

ആലിയ വിഭാഗത്തിൽ 16 പേർക്കാണ് ടോപ് പ്ലസ്. 37 പേർ ഡിസ്റ്റിംഗ്ഷനും 70 പേർ ഫസ്റ്റ് ക്ലാസും 75 പേർ സെക്കൻഡ് ക്ലാസും 414 പേർ തേർഡ് ക്ലാസും നേടി. പരീക്ഷാ ഫലം https://tinyurl.com/2s4zfw3k എന്ന ലിങ്ക് വഴിയും ഇതോടൊന്നിച്ചിച്ചുള്ള ക്യൂ.ആർ കോഡ് വഴിയും ലഭ്യമാവും. ദർസ് വാർഷിക പൊതുപരീക്ഷയിൽ പങ്കെടുത്ത് വിജയിച്ച എല്ലാ വിദ്യാർഥികളെയും അതിന് പ്രാപ്തരാക്കിയ മുദരിസുമാരെയും മഹല്ല് കമ്മിറ്റിയെയും സമസ്ത കേരള ജംഇയ്യതുൽ മുദരിസീൻ സംസ്ഥാന കമ്മിറ്റിയും സംസ്ഥാന പരീക്ഷാ ബോർഡും അഭിനന്ദിച്ചു. യോഗത്തിൽ ജംഇയ്യതുൽ മുദരിസീൻ സംസ്ഥാന ജനറൽ സെക്രട്ടറി എ.വി അബ്ദു റഹ്‌മാൻ മുസ് ലിയാർ ഫലപ്രഖ്യാപനം നടത്തി. പരീക്ഷ ബോർഡ് ചെയർമാൻ കെ. അബ്ദുൽ ഖാദിർ ഫൈസി കുന്നുംപുറം പരീക്ഷാ ബോർഡ് കൺവീനർ ഡോ. സി.കെ അബ്ദുറഹ്‌മാൻ ഫൈസി അരിപ്ര സംബന്ധിച്ചു. വിവരങ്ങൾക്ക്: 9633962052, 9747346280.

jamiathul mudarriseen dars annual public examination results announced; 87.86% pass rate