തിരുവനന്തപുരം: കേന്ദ്രബജറ്റ് പ്രഖ്യാപനങ്ങള്‍ക്ക് ശേഷം സംസ്ഥാനത്ത് സ്വര്‍ണവില വീണ്ടും ഉയര്‍ന്നു. രാവിലെയും ഉച്ചയ്ക്കും രണ്ട് തവണയായി 400 രൂപയാണ് ഉയര്‍ന്നത്. ഇതോടെ ഒരു പവന് 42,400 രൂപയായി. ബജറ്റ് നിര്‍ദ്ദേശങ്ങളുടെ അടിസ്ഥാനത്തില്‍ ഈ വര്‍ഷം സ്വര്‍ണ്ണം, വെള്ളി, ഡയമണ്ട് എന്നിവയുടെ വില വര്‍ധിക്കുമെന്നായിരുന്നു പ്രഖ്യാപനം.

ഒരു ഗ്രാം 22 കാരറ്റ് സ്വര്‍ണത്തിന്റെ വില ഇന്ന് ഉച്ചയ്ക്ക് 25 രൂപ ഉയര്‍ന്നു. ഇന്നത്തെ വിപണി വില 5300 രൂപയാണ്. ഒരു ഗ്രാം 18 കാരറ്റ് സ്വര്‍ണത്തിന്റെ വിലയും ഉയര്‍ന്നു. 20 രൂപയാണ് ഇന്ന് വീണ്ടും ഉയര്‍ന്നത്. ഒരു ഗ്രാം 18 കാരറ്റ് സ്വര്‍ണത്തിന്റെ വിപണി വില 4380 രൂപയാണ്.