തിരുവനന്തപുരം: സാമ്പത്തിക വളര്‍ച്ചയില്‍ കേരളം കഴിഞ്ഞ വര്‍ഷം (2021-22) മികവ് പുലര്‍ത്തിയതായി സാമ്പത്തിക അവലോകന റിപ്പോര്‍ട്ട്. സംസ്ഥാന ബജറ്റിന് മുന്നോടിയായി സംസ്ഥാന ആസൂത്രണ കമ്മിഷന്‍ ബോര്‍ഡ് നിയമസഭയില്‍ അവതരിപ്പിച്ച റിപ്പോര്‍ട്ടിലാണ് ഇക്കാര്യം വ്യക്തമാക്കിയിട്ടുള്ളത്. ആഭ്യന്തര ഉല്‍പാദനത്തില്‍ മുന്‍വര്‍ഷത്തേക്കാള്‍
12.01 ശതമാനം വളര്‍ച്ചയുണ്ടായതായി റിപ്പോര്‍ട്ടില്‍ പറയുന്നു. 2012 ന് ശേഷമുള്ള ഉയര്‍ന്ന വളര്‍ച്ചാനിരക്കാണിത്. റവന്യു വരുമാനം 12.86 % ആയി വര്‍ധിച്ചിട്ടുണ്ട്. കൃഷി അനുബന്ധ മേഖലകളില്‍ വളര്‍ച്ച 4.64 % വര്‍ദ്ധിക്കുകയും ചെയ്തു.

അതേസമയം സാമ്പത്തിക പ്രതിസന്ധി തുടരുമെന്ന് ധനമന്ത്രി വ്യക്തമാക്കി. കേന്ദ്രത്തിന്റെ തെറ്റായ നയങ്ങളാണ് പ്രതിസന്ധിക്ക് കാരണം എന്നാണ് റിപ്പോര്‍ട്ടിലെ കുറ്റപ്പെടുത്തല്‍. കിഫ്ബിയും പെന്‍ഷന്‍ കമ്പനിയും എടുക്കുന്ന കടം സംസ്ഥാനത്തിന്റെ കടത്തില്‍ ഉള്‍പ്പെടുത്തിയത് തിരിച്ചടിയായെന്നും റിപ്പോര്‍ട്ടില്‍ പരാമര്‍ശിക്കുന്നു.