ലഖ്‌നോ: ഉത്തര്‍പ്രദേശില്‍ ഞായറാഴ്ച്ചകളില്‍ ലോക്ഡൗണ്‍ ഏര്‍പ്പെടുത്താന്‍ തീരുമാനിച്ചതായി മുഖ്യമന്ത്രി യോഗി ആദിത്യനാഥ്. കൊവിഡ് വ്യാപനത്തിന്റെ പശ്ചാത്തലത്തിലാണ് തീരുമാനം. മാസ്‌ക് ഇടാതെ പുറത്തിറങ്ങിയാല്‍ 1000 രൂപ വരെ പിഴ ഈടാക്കാനും തീരുമാനമുണ്ട്.

മാസ്‌ക് ധരിക്കാതെ പിടികൂടിയാല്‍ ആദ്യതവണ 1000 രൂപയും രണ്ടാം തവണ 10,000 രൂപയുമാണ് പിഴ ഈടാക്കുക. ഞായറാഴ്ച്ചകളില്‍ അവശ്യസേവനങ്ങള്‍ക്ക് മാത്രമാണ് അനുമതി.

കൊവിഡ് വ്യാപനത്തിന്റെ പശ്ചാത്തലത്തില്‍ സംസ്ഥാനത്തെ സ്‌കൂളുകള്‍ മെയ് 15 വരെ അടച്ചിടുമെന്ന് കഴിഞ്ഞ ദിവസം സര്‍ക്കാര്‍ പ്രഖ്യാപിച്ചിരുന്നു.