ന്യൂഡല്‍ഹി: കള്ളപ്പണം വെളുപ്പിക്കല്‍ കേസുകള്‍ പരിഗണിക്കുന്ന ഗാസിയാബാദിലെ പ്രത്യേക കോടതിയുടെ സമന്‍സിനെ ചോദ്യംചെയ്ത് മാധ്യമ പ്രവര്‍ത്തക റാണാ അയൂബ് സമര്‍പ്പിച്ച ഹരജി സുപ്രിം കോടതി തള്ളി. കൊവിഡ് ദുരിതാശ്വാസ പ്രവര്‍ത്തനങ്ങള്‍ക്കായി റാണാ അയൂബ് ഫണ്ട് ശേഖരണം നടത്തിയത് വിദേശനാണ്യ വിനിമയ ചട്ടം ലംഘിച്ചാണെന്ന് ആരോപിച്ച് എന്‍ഫോഴ്‌സ്‌മെന്റ് ഡയറക്ടറേറ്റ് പ്രത്യേക കോടതിയില്‍ പ്രോസിക്യൂഷന്‍ പരാതി നല്‍കിയിരുന്നു. ഇതിലാണ് കോടതി സമന്‍സ് അയച്ചത്.