ന്യൂഡൽഹി
വൺ ഇന്ത്യ എന്ന ആശയത്തിനു വേണ്ടിയാണ് ബി.ജെ.പി പ്രവർത്തിക്കുന്നതെന്ന് പ്രധാനമന്ത്രി നരേന്ദ്ര മോദി. പാർട്ടിയുടെ 42ാം സ്ഥാപക ദിനത്തിൽ പ്രസംഗിക്കുകയായിരുന്നു അദ്ദേഹം. ബി.ജെ.പിക്ക് രാഷ്ട്രത്തോടാണ് ഭക്തിയെന്നും മറ്റുള്ളവർക്ക് കുടുംബത്തോടാണ് ഭക്തിയെന്നും അദ്ദേഹം കോൺഗ്രസിനെ പേരെടുത്ത് പരാമർശിക്കാതെ വിമർശിച്ചു. ചില പാർട്ടികൾക്ക് പതിറ്റാണ്ടുകളായി വോട്ടു ബാങ്ക് രാഷ്ട്രീയമായതിനാൽ ഒരു വിഭാഗം ജനങ്ങളെ മാത്രം അഭിസംബോധന ചെയ്യുകയും മറ്റുള്ളവരെ അവഗണിക്കുകയുമാണെന്ന് അദ്ദേഹം പറഞ്ഞു. വോട്ടു ബാങ്ക് രാഷ്ട്രീയത്തിന്റെ പ്രതിപ്രവർത്തനമാണ് അഴിമതി. നാലു സംസ്ഥാനങ്ങളിൽ ഡബിൾ എൻജിൻ സർക്കാരായി ബി.ജെ.പി തിരിച്ചു വന്നിരിക്കുകയാണെന്നും അദ്ദേഹം പറഞ്ഞു.