ചക്കരക്കല്‍: ഏച്ചൂരില്‍ ഉപേക്ഷിച്ച വാഹനങ്ങള്‍ തെരുവുനായ്ക്കളുടെ താവളമാകുന്നു. ഏച്ചൂര്‍-കണ്ണൂര്‍ റോഡരികില്‍ ഇത്തരം നിരവധി വാഹനങ്ങളാണുള്ളത്. അപകടങ്ങളില്‍പെട്ട വാഹനങ്ങളുടെ യന്ത്രഭാഗങ്ങള്‍ അഴിച്ചുമാറ്റി ബാക്കി ഉപേക്ഷിക്കുകയാണ് പതിവ്.
 മേല്‍ക്കൂരയുള്ള വാഹനങ്ങളുടെ ഉള്ളിലാണ് തെരുവുനായകള്‍ സുരക്ഷിത താവളമൊരുക്കുന്നത്. പ്രദേശത്ത് തെരുവുനായ ശല്യം വര്‍ധിക്കുകയാണെന്നും നാട്ടുകാര്‍ പറയുന്നു.
റോഡരികില്‍ തള്ളി തുരുമ്പെടുക്കുന്ന വാഹനങ്ങള്‍ ഗതാഗത പ്രശ്‌നങ്ങള്‍ക്കും പരിസര മലിനീകരണത്തിനും കാരണമാവുന്നതായും പരാതിയുണ്ട്.