പയ്യന്നൂര്‍: സ്വകാര്യവ്യക്തിയുടെ വീട്ടുപറമ്പില്‍ നിന്നു കഞ്ചാവ് ചെടി കണ്ടെത്തി. ഓലയമ്പാടി ചട്യോള്‍ കുളിയാപ്രം റോഡരികിലെ വീട്ടുപറമ്പില്‍ നിന്നാണ് മൂന്നു മാസം വളര്‍ച്ചയെത്തിയ ചെടി കണ്ടെത്തിയത്. രഹസ്യവിവരത്തിന്റെ അടിസ്ഥാനത്തില്‍ പയ്യന്നൂര്‍ എക്‌സൈസ് സംഘമാണ് ചെടി കണ്ടെത്തി നശിപ്പിച്ചത്. ഒരു ചെടി മാത്രമാണ് ഉണ്ടായിരുന്നത്. ചെടി ആരെങ്കിലും നട്ടുപിടിപ്പിച്ചതാണോയെന്ന് അന്വേഷിക്കുമെന്ന് അധികൃതര്‍ അറിയിച്ചു. എക്‌സൈസ് ഇന്‍സ്‌പെക്ടര്‍ സലിം കുമാര്‍ ദാസ്, അസി. എസ്.ഐ കെ.ഒ മോഹനന്‍, പ്രിവന്റീവ് ഓഫിസര്‍ കെ ഭാസ്‌കരന്‍, കെ.കെ സമീര്‍, വി.വി ബാലകൃഷ്ണന്‍, കെ രാജീവന്‍, ടി മനോജ്, പ്രകാശന്‍ നേതൃത്വം നല്‍കി.