കറാച്ചി: പാകിസ്താനെ നടുക്കി വീണ്ടും ഭീകരാക്രമണം. കറാച്ചി പൊലിസ് ആസ്ഥാനമാണ് ആക്രമിച്ചത്. ഉന്നത പൊലിസ് ഉദ്യോഗസ്ഥര്‍ കെട്ടിടത്തില്‍ ഉള്ളപ്പോഴായിരുന്നു ആക്രമണം. ശക്തമായ ഏറ്റുമുട്ടല്‍ തുടരുകയാണ്. ആയുധധാരികളായ തീവ്രവാദികള്‍ കറാച്ചി പൊലീസ് മേധാവിയുടെ ഓഫീസില്‍ അതിക്രമിച്ച് കയറി വെടിയുതിര്‍ക്കുകയായിരുന്നു.

കറാച്ചിയിലെ ഷെരിയ ഫൈസലില്‍ സ്ഥിതി ചെയ്യുന്ന പൊലീസ് മേധാവിയുടെ ഓഫീസില്‍ കുറഞ്ഞത് എട്ട് സായുധ തീവ്രവാദികളെങ്കിലും ഇപ്പോഴും ഉണ്ടെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു. ആക്രമണത്തില്‍ ഒരു പൊലീസുകാരനും ഒരു സാധാരണക്കാരനും കൊല്ലപ്പെട്ടു.