കോഴിക്കോട്: നഴ്‌സിംഗ് വിദ്യാര്‍ഥിനിയെ ബലമായി മദ്യം നല്‍കി കൂട്ടബലാല്‍സംഗം ചെയ്തതായി റിപ്പോര്‍ട്ട്. കോഴിക്കോട്ടുനിന്നാണ് ഞെട്ടിക്കുന്ന വാര്‍ത്ത. കോഴിക്കോട്ടെ ലോഡ്ജിലേക്കു കൂട്ടിക്കൊണ്ടുപോയി എറണാകുളം ജില്ലക്കാരിയായ നഴ്‌സിങ് വിദ്യാര്‍ഥിനിയെ രണ്ട് സുഹൃത്തുക്കള്‍ ചേര്‍ന്ന് ബലാത്സംഗം ചെയ്യുകയായിരുന്നു. ഇവരും എറണാകുളം ജില്ലക്കാരാണ്. അതേ സമയം സംഭവത്തിനുശേഷം പ്രതികള്‍ ഒളിവിലാണ്. ഇവര്‍ക്കായി തിരച്ചില്‍ ഊര്‍ജിതമാക്കിയതായി പൊലിസ് അറിയിച്ചു. സംഭവത്തിനുശേഷം കോഴിക്കോട് കെ.എസ്.ആര്‍.ടി.സി ബസ് സ്റ്റാന്‍ഡില്‍ വിദ്യാര്‍ഥിനിയെ ഉപേക്ഷിച്ച് പ്രതികള്‍ കടന്നുകളയുകയായിരുന്നു.